راسبة وتريد الفرح بفشلها فهل أختي طبيعية؟

مرحبااريد طرح مشكلتي نحنا شبين واربع بنات الشب لكبير طبيب وطموح ومتزوج وانا واخواتي الثلاث كملنا دراستنا الجامعيهاخوي لصغير ماقدر يكمل توجيهي من صغره مابحب الدراسه بس هلا بشتغل ومثابر وكان صريح معنا انه مش قد الدراسه وكنا متوقعين انه مايكمل لانه ببساطه مابدرس اما المشكله اختي الصغيرة كانت طول عمرها شاطرة.ومن اوائل صفها بس مابعرف ايش صار معها بالتوجيهي يعني اخر سنة دراسيه بطلت تدرس بس بدها دروس خصوصيه واهلي ماقصروا مع انهم مش ملحقين ... ما في ماده ما اخدت خصوصي والفصل الاول ما نجحت وعلامات المواد اللي نجحت فيهم عالحفه والمشكله لما اجينا نعاتبها صارت تحكي انا ناجحه لانه بعرف ماكنت بدي اروح عالامتحان الفلاني يعني مكيفه ع حالها وتنزل عالفيس بوك والناس يباركولها وهي ترد عليهم وهي راسبه حسيتها مريضه نفسيا وتقتلت انا واياها واخواتي عالتلفون وعاتبناها كتير وقليل دايما بننصحها واكتر من مرة قلتلها اتركي التلفون خارب بيتك مابتقبل وبعمللها برامج وبتساعدني انه نعمل برنامج بس مابتطبق اهلي كبار بالعمر وبطلوا يقدروا يشدوا زي اول اذا صار نقاش ابوي مابقدر اذا هي صارت تصرخ وبنحطله حبة تحت لسانهمع انه اهلي معطينها حريه ومصاري ومدلعينها لانها لصغيرة ومابحبوا يكسروا خاطرها لو تشوف امي ميته مابتساعدها لا بجلي ولا غسيل حياتها نوم وصاحبات وتلفونات ايش نعمل كيف نرجعها هي المشكله بحسها بلا مبدا يعني ممكن تغير اي مبدا بيوم دلوني ودلوا اهلي كيف نتعامل معها ضل عليها 5مواد ولازم ترفع معدلها علشان تدرس جامعه الفصل الثاني قدمت اربع مواد ونجحت فيهم بس كمان عالحفه انبسطت كتير وحكتلنا لاتنكدوا علي انا مبسوطه ونفس الاشي كتبت عالفيس الحمد الله وصاروا الناس يباركولها وهي ترد وكتير مبسوطة وهو ضايل عليها خمس مواد صعبين واللي قدها خلصوا ... والمشكله صار يرضيها اقل اشي مع انها شاطرة وذكيه واحنا بس ندرسها بتستوعب بسرعه بس المشكله مابتقعد تدرس