خائفة من زواج ابنتي لهذا الرجل

ابنتي تعمل في شركة ادوية وذهبت لتدريب بالعاصمة وفي هذا التدريب بيتجمع كل المتدربين من الاقاليم المختلفة شرط لتعيينهم نحن من محافظة تبعد عن العاصمة ساعتين وظلت اسبوع ثم عادت تحكي عن شاب حاول يكون قريب منها وهو من محافظة مختلفة عنا فرق السفر بينا وبينه 3ساعات تقريبا وبعدين انتهي الموضوع ولم نعد نسمع عن التدريب اي شيء.. في الاول اضافها علي صفحته علي انه بيعرفها حقوقها وواجباتها والفلوس اللي من حقها وبهذه الحجة صارت صداقة بينهم.. تركت تلك الشركة وذهبت لشركة اخري وظل هو يتحدث معها واخذت العلاقة طريق الحب والتقدير لها طيب تعالي كلم اهلي يقولها ما ينفعش انا اقل منك جامد هترفض لازم لما اكبر نفسي والكلام شغال لغاية لما اخوها شاف الشات بينهم وحصلت خناقة ووعدت بعدم الحديث معه ثم عادت مرة اخري هو دلوقتي كل ما تقوله جاني عريس يقول لها مش هينفع اتقدم لسه قليل صارحتني بالكلام ده دلوقتي في ساعة صفا مش هتتكرر وبعدين قالت لي هو جاب شقة في بلده وعربية ومستني يلم حق الشبكة .. بس يا ماما احنا بنشد مع بعض لاتفه الاسباب وطلب مني البس جيبات ولبس واسع زي فساتين بتاعة كبار وبدون ماكياج قولت له انا عادية مش ملفتة مثل كل البنات قدي وقلت له انت متشدد ومن يومها وزعل وبطل يكلمني بصراحة انا كنت رديت عليها قولت لها عادي خليه يتقدم مش سبب لزعل رجعت لاقيتها بتكلمه تاني بدون علمنا انا واخوها... السؤال اقنعها ان ده بيلعب بها ازاي و كمان ينفع ابعت ابنتي تعيش معاه لوحدها بدون اهلها لو احتاجت حد هتبقي لوحدها ما علي اوصل لها تكون الدنيا اتهدت.. طيب اشمعني هي اللي تسيب كل شغلها وحياتها وهي مثله بالضبط هتروح فلاحين هي عرضت عليه تعالي عيش في عمارة ابويا قال لا ما اتركش شغلي وبلدي انا عايزه افصل في الموضوع ده واقنعها واخليها تتصرف بشكل سليم اعمل ايه... الفيس بوك والشات قرف لا تقدري تعرفي حاجة عن ولادك