حماتي تتفنن في مضايقتي ولا أقدر على الرد عليها

السلام و عليكم انا عمري 24 متزوجة عندي ولدين متزوجة من 5 سنوات اعيش في بيت اهل زوجي من لما تزوجت و انا مش مرتاحة صراحة انا و حماتي ما بنرتاحش مع بعض يعني هيا دايما بتعاملني وحدة غريبة بلكي لانه طبعي وحدة هادية و ما اكتر الحكي خلص معليش تعودت على هيك كل مرة اشوف تصرفات و اسمع حكي عني بتضايقني و اخليها بقلبي تحملتها بس هل المرة كتر الشي صارت هي و بناتها بتفتن بيني و بين مرت سلفي و تقول عني حكي مش منيح وصلت لدرجه انها قالتلها اني انا حاطة عيني على زوجها و اني راح اخد زوجها منها و انو انا زوجي مش مكفيني و ما لقيتش فيه الي احبه هون انا انصدمت ما قدرت اواجهها هيا بتضل ام زوجي و احترمها و اقادرها مادخلت زوجي كتير و ما بدي افتن بينه و بين امه بس ما تحملت الضغط طلعت من بيت روحت لعند امي و ما كنت ناوية ارجع طلبت من زوجي سكن لحالي بس لما سمع حمايا بقرارنا ارتفع ضغط الدمه و رفض لانه اولادي احفاده الوحيدين و انا هلا مشانه و لانه منيح معي رجعت للبيت بس مش قادرة اتحمل اشوف وجه حماتي و كمان صرت احس حالي خلص ماعاد فيني قوةو قلبي صار بيوجعني