كريم مع أمه والناس وبخيل معي

السلام عليكم .. ابي حل لمشكلتي زوجي اذا طلبت منه فلوس يرفض ومايعطيني الا بطلعت الروح نادر مايعطيني من طيب خاطر حتى لو كنت بتدين منه مايعطيني قبل فتره صار لي موقف طلبت منه مبلغ بسيط لي ولـ ابنه ورفض بالاول وبعد محاوله رضي يعطيني وقلت له زد الفلوس واحسبها دين لين استلم راتبي وارده لك (للمعلوميه الراتب هذا لمدة سنه بس )ورفض قلت له والله مايكفي اللي انت عطيتني ابي زياده واردهم لك ورفض ورفع صوته علي ورضيت باللي بيعطيني اياه وكانت معنا ام زوجي وكانت طالبه نفس المبلغ اللي انا بأخذه سحب زوجي الفلوس واعطا امه المبلغ اللي طلبته ورفضت تأخذه قالت انا مايكفيني المبلغ هذا عطني اكثر هذا مايسوي شيء وسحب لها الدبل وعطاني انا المبلغ القليل قلت مايكفينا انا و ابنك هذا المبلغ عطنا زياده حنا ٢ وارده لك قالي تبينه ولا بكيفك وجلس يرفع صوته علي صار بخاطري انه يسوي كذا ورجعت فلوسه قلت خلاص ما ابي الفلوس خلهم لك اخذ الفلوس وقالي احسن مع العلم اغلب الفلوس محتاجهم ابنه ومع ذالك رافض يعطيني وهو مقتدر وقليل يعطينا اغلب الاشياء انا اشتريها من فلوسي هو كريم مع اهله ومع اخوانه وامه ويعطيهم اي شيء يطلبونه وهم مقتدرين اكثر مني ويمشي لهم كل شهر مرتب وهو يعطيهم بعد لكن اذا طلبت انا منه يزعل ويتنرفز ويرفض يعطيني و والله ماني حاسده اهله وبالعكس انا اللي اقول لزوجي عط امك لا تبخل عليها وازعل اذا ما عطاها ..الحين مدري انا غلطانه او هو الغلطان ومدري كيف اتعامل معه انا تعبت من تقصيره معي اشوفه يعطي اي احد وانا اذا طلبت يرفض هو اذا طلب مني مستحيل ارفض واعطيه اذا كان معي واذا ماكان معي اعتذر منه ...