طردوني من البيت بسبب هذه الكلمة فهل أنا مخطئة؟

السلام عليكم عندي مشكله وجداً مأزمتني قبل طرحت مشكله اني تناقشت مع زوجي قبل ٣ شهور وضربني ومادخلت اهلي بس علمت امي وزعلت وراضاني وانتهى الموضوع الان انا حامل ببدايه حملي ومن تزوجت فقط لي ٩ شهور تقريباً انا ساكنه مع اهل زوجي جناح بنص البيت وكنت احتاج اتكلم مع زوجي عن هالموضوع كل مره افتح موضوع اني احتاج مدخل خاص يقفله لي وكنت متنرفزه وابكي علشان ابي مدخل خاص يكلم اهله وقال ما ابغى اتكلم وانا اصريت اتكلم ومع النقاش زاد الكلام وبدأ يغلط علي ويصرخ ، مسكت الصحن اللي جنبه قلت له لا تصرخ علي ورميت الصحن بالارض وانكسر لاني اصلا كنت معصبه من صراخه علي جاني وصفقني كف على وجهي ومسكني بقوه من كتفي ولما زعلت وتفاجئت ! قلت له والله ما اطلع لين ماتطلقني واعطاني كف ثاني بنفس المكان وبأقوى ما يمكن ( الكف يعني الصفع على الخد ) بكيت وناديت اهله لانهم ماكانو يدرون انه ضاربني من قبل وكنت ابي احد يوقف معاي تكلمت مع خالتي وتناقشت معاها وقالت هو عصبي ويده طويله ومعليش اسكتي وتحملي وكلام كثير بعدها قالت لا تروحين لاهلك ولا تعلمينهم ! قلت اوكي علشان خاطرك وجاء ابوه وتكلم معي وترجاني ما اتكلم مع اهلي وقال اذا ناقصك فلوس انا اعطيك واذا طردك ولدي من البيت انتي اطرديه هذا بيتك وصبرت ورضيت وقفلت على نفسي بالغرفه وبكيت طول الليل واليوم الثاني جا ابوه يتكلم معنا انا وزوجي ( مع العلم ان ابوه هو من اهلي ومحارمي ) بدأ ينصح ويتناقش وقلت له انا كل هالامور ماتهمني لكن ما ارضى يمد ايده علي ! فققققط قال لزوجي : ايش تقول ؟ ورفض يتكلم وقال انتي وش تقولين ؟ قلت انا اشوف انها قله ادب ! وعصب ابوه وطلع وقال معليش هالكلمه ماتنقال ! وكلمني قال انا ماربيت الا رجال وانتي اطلعي بيت اهلك وانقلعي! وبعدها طردني من البيت وكلم اهلي وقال خدو بنتكم مانبغاها بنتكم لسانها طويل!!!!!!!!!! وطبعاً رحت لاهلي وتضايقت كثير تضايقت ان ابوه امس يقول البيت بيتك وكنت محترمه رغبته اني اقعد ولا اقول لاهلي علشان ما امشكل الاهل مع بعض واليوم يطردني علشان قلت عن ولده قليل ادب ؟ طيب مو قليل ادب اللي يمد ايده على بنت ؟ ياجماعه انا احتاج نصيحه منكم لاختكم هل انا غلطانه ؟ مو المفروض يقدرون ظروفي ونفسيتي وصحتي ؟ :(