مرض أمي سبب مشاكلنا العائلية

السلام عليكم ورحمه الله وبركاته المشكله تخص والدتى هى وزوجات اخوانى كل واحد ساكن فشقه فوق والداتى ووالدى فبيت عيله يعنى انا والدتى مدمنه لنوع علاج ووصل بيها الحال انها ادمنته وزات طبيب نفسى وقال انها فى مرحله الهلاوس السمعيه والبصريه واتعاملو معاها انها مريضه نفسيه ومشيت على علاج واكتشفنا بعد فتره انها بتاخده تانى وبشراهه المهم المرض دا اثر على علاقتها بزوجات اخوانى هما كويسين جداااا معاها ومعانا بس امى بدمر البيت بتوقع كل واحده فالتانيه وابويا يصلح ويراضيهم ويقولهم معلش مريضه واخونى عمرهم مازعلوها لما بتتكلم وحش عن زوجاتهم اودامهم لدرجه انها تهمت ابويا انه فعلاقه مع واحده منهم وكانت نايمه عنهم فيوم لاقيتها قامت تصرخ وتقولى هى لسه خارجه وقفلت الباب براحه اهو شوفتيها وتفضل تصرخ وانا اقولها اهدى واحيانا كتير ابويا بيعصب عليها واخويا عرف والموضوع عدى وقال عشان اريح امى انا هطلع من البيت....((فى نقطه الدكتور النفسى قالنا اسمعو منها ولا تنفو ولا تأكدو كلامها عشان لو نفينا كلامها هى هتثبته اكتر فعقلها الباطن لما تكلمكم عن الموضوع دا راضوها وتوهو معاها فالكلام)) فطبعاا بعد خروجه الاتنين الباقين من زوجات اخوانى مش رايضين ينزلولها وبينزلو اولادهم بس بحجه انها زى ماقلت على سلفتنا هتقول علينا وبالنص قالولنا دى امكم استحملوها انتو لاكن احنا مش مجبرين وغير انها بتوقع الاخوات كلهم فبعض لو حد اشتكلها من حد تروح تقوله وتزود كلام عليه يزعل مش تصلح وتراضى بينهم..وعلى فكره زوجات اخوانى احنا كويسين معاهم وهما كويسين معاهم ودا كمان بيزعل والدتى احنا مبقيناش عارفين نتعامل معاها ازاى وبنحاول نراضيها بس ايه الحل..