ابنتي ترفض كل عريس يتقدم لها بسبب هذا الشخص

بسم الله الرحمن الرحيم مشكلتي مع بنتي الجامعيه عمرها ٢١سنه تقدم ليها خطاب كتير نفس المستوي التعليمي ولكن فارق اجتماعي ومستوي اخلاقي حلو مقبول وانا كا اب عاوز اختار ليها المناسب من كل النواحي وللاسف هي لم تعطيني الفرصه ومختاره واحد لسبب او لاخر انا رافضه تماما ومرشح ليها واحد مركزه الاجتماعي مناسب ومؤهله وكل حاجه فيه اي اب يتمناه لاحفاده ولكن هيه علشان كانت ليها اول تجربه مع الانسان ده تمسكت بيه للان وانا رافضه تماما انا وامها وعلشان كده بترفض اي عريس متقدم ليها بحجه الدراسه وعايشه في عزله واحوالها مش ثابته مره حلوه ومرات وحشه جدا والموضوع ده اثر عل علاقتنا بيها وللاسف بتسمع من صحابها وبعض اقاربنا ودول بيضللوها بسبب الغيره العمياء وهي مش فاهمه كده واحنا كاب وام مش هنسمح ليها بتنفيذ رغبتها الغلط الهيه مش عارفه عواقبها ومش عارفين نفهمها ازاي انو احنا اكتر ناس نحبك وخايفين عليكي وللاسف ممكن تضيع الفرصه ال موافقين عليها بعنادها واحنا كمان هنعند عليها لانو مفيش حد يرضي يجوز بنته لواحد غير مرحب بيه خالص نعمل ايه معاها احنا تعبنا منها ومش مصدقين ان هيه كده ومش تقولوا امها يجب ويجب الست تعبت منها وطبعا لاتشارك في البيت ولامساعده وحتي مجرد رساله كيف حالك مفيش وناكره لكل ماقدمناه ليها بسبب هذا الشخص وبيساعدها الاصدقاء والاقارب ال هيه فاهمه انهم صح واحنا غلط وللاسف الموضوع داخل في عناد خبرونا عن حل منطقي بس بعيد عن هذا الشخص المرفوض تماما