برود وإهمال ابن خالتي يقتلني وكلما أبتعدت عنه يقول: أنا أحبك!!

السلام عليكم ساعدوني ارجوكم لا اعرف ماذا افعل انا عمري 22 وخطيبي عمره 24 ونحنا نقرب لبعض هو ولد خالتي ونحب بعض من يوم ماكنا صغار ولنا 8 سنوات مع بعض ماشاءالله وخطبني ف العيد وكان يبغا يملك بس ابويا رفض وقال يبغاه يتخرج اول بعدين نملك المهم نحنا نتواصل مع بعض بجوال اعطاني هوا ونحب بعض جدا وهو يسأل عني دايما ويطمن عليا ف كل وقت لمن ارجع من الجامعة ماينام الا لمن يعرف اني رجعت ويطمن وكل مرة يطلب صورتي ودايما يطلب مني انو نخرج وكدا وانا دايما اقله انو كل شي ف وقته حلو يعني لمن نملك نخرج وكدا بس هوا يزعل ويقلي اش فيها لو ددحين وكل مره اقله اخر مرة نتقابل ونتقابل تاني المهم بعد كذا دي السنه حسيت انو اتغير عليا يعني ماصار يطمن عليا لمن ارجع يعني قل مو زي اول يكلمني صح بس قليل ولمن قلتله اشبك اتغيرت وكدا واتخاصم معاه يقلي اشبك انا زي ماانا بس قدريني شويه انا قدرته بس مره مرتين ماصبرت وكل مره تصير مشاكل بسبه دا الشي وكل ماتصير مشكله احسسه يزيد ف اهماله وما يطلب من صورتي ولا مقابلتي لمن قلتله خلاص ماابغاك وماكلمته صار يدقدق عليا ويكلمني ويقلي فينك والله ابغاك واحبك لا تخربي علاقتنا اشبك حيصر زي ماتبى انتي وارجعي ومدري ايش لمن ارجعله القاه نفسه مااتغير ومره تانيه صارت المشاكل وقلت خلاص ببعد عنه ماابغاه لانه بيجرحني باهماله وبرضو يدقدق كتتير ويقلي ارجعي ونا مااقدر اتحمل اشوف رسائله وماارد المهم رديت وقلتله لو رجعت ايش الفايده انته زي مانته ماتتغير قالي الا حتشوفي انتي بس ارجعيلي الله يخليكي ورجعت له تاني بشرط قلتله انو مانتقابل قالي طيب عشان انا ابغاكي حسوي الي تبيغه بس ارجعي ورجعت لاني والله احبه بس هو اهماله بيقتلني ودحين نفسه مااتغير كمان ماني فاهمته يقلي احبك بس مايهتم دوخني اخاف اتركه وهو يحبني بس لمن يكون مهملني احس ف احد غيري ف حياته وامس قلت خليني اثقل عليه وماارد واسوي زي مايسوي هو معايا اهمله لمن ثقلت عليه صار يقلي فينك اشبك مختفيه ويدق عليا اشبك فين رحتى ليش مادقيتي عليا اول ماوصلتي الجامعه لاني دايما ادق عليه اول ماااوصل الجامعه السؤال دحين هل هوا يجبني منجد ولا ايش ماني فاهمته ي ربي ساعدوني ولا اثقل عليه كماان والله نفسيتي مره تعبانه وراسي يعورني من التفكير مع انو انا عندي دفتر اكتب فيه كل شي ودايما اقوي قلبي بس اضعف بعدين معليش طولت عليكم وكلامي ملخبط بس ابغا احد ينصحني ويفهمني امكن انا ماني شايفه ايش ببييصر معايا