أطفالي أصبحوا يكرهوني بسبب خوفي الزائد عليهم

عندي ثلاث اطفال ابني الكبير عنده تسع سنوات والاصغر ست سنوات والاخيرة خمس شهور الحمدلله ربي يبارك فيهم بس مشكلتي بخاف عليهم جدا وبقعد افكر لو اتخطفوا واتعمق في التفكير انهم يحصلهم اي مكروه لذلك معنديش اي صداقات او جيران بعيدة عن اهلي بسبب اني مابستحملش حد يكلمهم او يوجهم كل حاجه انا وبس يعني (قافلين علي نفسنا الباب وعايشين في عالمنا الخاص) اولا ..ابني الكبير مابيعرفش يفتح موضوع بيزعل بسرعة تفكيره مش علي قد سنه يعني نازل لسن اخوه .ثانيا ..ابني الثاني عندي جدا جدا ومابيحبش الناس وبيرد عليهم بطريق وحشه وده بيحرجني بس هما بيحبوا اختهم جدا وحنينين عليها وعليا كمان وبيسعدوني في كل حاجة في البيت بس ابني الكبير ابتدي يتخنق مني ابتدي يزعق ويتعصب بعد ماكان هادي اي حاجه تحصله مابقاش بيقولي عليا بيحب امي اكتر مني والتاني مابيعرفش يدافع عن نفسه في المدرسه عايزه اتغير من القلق والخوف عليهم علشان يبقوا شباب مستويين نفسيا ويقدروا يخدوا قررات صح من غيري اعمل ايه وشكرا ......