أريد أن أحفز نفسي وأصل إلى ما أريد

انا بنت عندى ١٨ سنة .. مشكلتى هى (انا)... عايزة احقق حاجات كتير جداً فى حياتى بس مش بتحرك من مكانى ..بحس ان انا محتاجة حد يمسك بايدى ويقومنى .. انا عارفة انى كده شخص اعتمادى ..بس انا حتى مش عارفة اتغير .. بضايق جداً لما احس انى محتاجة تشجيع عشان اعمل حاجة .. وخايفة جداً من المستقبل خايفة يكون فى الاخر مصيرى انى ولا حاجة .. حتى كل ما بحاول اعمل حاجة مش بنجح فيها وعمرى ما تفوقت فى دراستى مع انى عايزة وبذاكر كتير ... ومعنديش ثقة فى نفسى نهائى بحاول ادى حافز لنفسى كل شوية بس ساعتها بحس انى بضحك ع نفسى الكل بيقول ان انا جميلة ..بس انا مش شايفة نفسى كده .. حتى مش عارفة انمى ثقتى فى نفسى عشان اعرف اعمل حاجة فى حياتى كل اللى انا حاساه ان انا فاشلة جداً