مشاكل بيني وبين زوجي والسبب العلاقات!

السلام عليكم ورحمة الله انا ارسلت مشكلتي من قبل ولكن لم تطرح مشكلتي هي اني بكره اعمل اي علاقات مع اي حد وحتى الجيران دايما بكون مختصرة معاهم العلاقات وقطعت علاقاتي بكل اصحابي مع اني قبل الزواج كنت عكس كدة تماما وكنت اجتماعية وليه اصحاب كتير وبحب اتعرف على ناس جداد ولكن بعد الزواج والاولاد وزيادة المسؤليات اختلف الامر دائما اشعر ان اولادي وبيتي اهم من اي علاقات او مقابلات تافهة او مكالمة تليفون يمكن ان تضيع وقتي واولادي يشعرون بالملل المشكلة في زوجي هو اجتماعي جدا ومثقف ودائما يحب مقابلات الناس والزيارات وروحنا لسكن جديد قريب اتعرف على اغلب الناس فيه في فترة قصيرة جدا ودائما يسمع منهم ان زوجاتهم يعرفون بعض ويزرون بعض ودايما يطلب مني اني اتعرف عليهم وعلي الجيران وانهم يجوا يزروني وانا اروحلهم ونخرج سوا وانا بجد مش عايزة اعمل كدة بحس ان بعد المقابلات دي ان ضيعت كتير من وقتي وان كان ممكن اعمل حاجة افضل وبحس بإكتئاب دة غير شكاوى الستات اللي مبتخلصش واللي بتزود همومي اكتر كنت زمان بحاول ارضيه واتعرفت علي زوجات لاصحابه ولكن مكنتش بستريح وبقطع العلاقات وهو يزعل ودايما يقولي لية مش بتتصلي بفلانة تعالي زوري فلانة ولما ارفض ندخل في زعل وخناق ودايما يتهمني اني عديمة الشخصية واني معنديش ثقة بنفسي واني انطوائية واحتاج لدكتور نفساني وان كل الناس كدة بيزوروا ويقابلوا بعض اشمعنى انا اللي كدة َشايف كمان اننا دلوقتي في غربة وان الموضوع دة ضروري جدا في الغربة وانا قررت اني اللي عايزاه انا هو اللي هعمله واني معدتش هتعرف على حد وانت براحتك اخرج وقابل اصحابك براحتك وبحاول دايما اني اتكلم معاه واقنعه ولكن مفيش فايدة وهو دلوقتي بيقولي ان في واحد صاحبه وزوجته وعايزنا نسافر معاهم في العيد علشان هو يبقى مع صحبه وانا مع زوجته ومزهقش وانا مردتش عليه خايفة يحصل مشاكل كالعادة انا مش عارفة اعمل اية وهل انا فعلا غلط؟ واسفة على الاطالة