أختي تتكلم عني بالسوء أمام الناس

انا أمر بنفس التجربه بالضبط، كلمتها ب الهدوء ما نفع معها بالطيب م نفع، ما تعطيني مجال اصلا أناقشها كله صراخ، وإفتراء وإتهامات، مرات أفقد أعصابي وأرد عليها بس ما يفيد.. حاولت اكسبها أكثر من مره ونفس شي ما نفع، كلما تشوفنا قاعدين تبدأ بالمشاكل وتدش بسوالف وكلام وغيره حتى بزمان كنت أخبرها أسراري، وبعد كل هذا أستغلت أسراري ضدي وتفتن مع امي واخواني، وتتكلم عن ماضي يخصني أهي مالها دخل فيه وعمري ما اذيتها فيه، ظليت وايد افكر يمكن انا غلطت عليها بشي رحت وكلمتها واعتذرت لها بس ما في فايده، تعاملني معامله اليهود، وتدعي علينا وتشتم وتسب وامي تعبت منها، م تحترم حد ولا تخاااف حد ابدا ابدا، انا اشغل نفسي بدراسه الحمدلله انا وصلت بفضل الله ثم فضل اهلي وانا بس اهي حتى تقطع علييي راحتي.. حتى صايره افضل اقعد بللجامعه  واهرب من هالواقع والله انه متعب والعلاقه الي كذا سامه.. تخيلو يعني شخص يتكلم عن ماضيك واهو م فاهم شي ويحلل ويفسر بمزاجه ويفتن ويسب ويشتم ويفرق بين الاخوان، تعبت من هالشي صار لنا 3 سنوات ع هالحال ادعي الله ترجع اختي طبيعيه، والله العظيم انه اهلي م مقصرين من الناحيه المعنويه قبل الماديه بس م نعرف شو سبب حتى لمن خواني لكبار يحاول يكلموها تصرخ وتقول كلام سيئ وما تحس فيه بس ترمي بدون م تحسب حسابها، واذا مثلا حد غلط عليها او صارت مشكله فلبيت يعني مثلا نحن خوات عادي نختلف مرات ع لبس ع شي بسيط. ب الاخير خوان بتمسكها الغلطه لو تعتذر لها بتذلك ليوم الدين وبتظل، وتشخصن المواضيع  وتقول انها م تغلط ودايم معها انه هي الصح ونحن الغلط ونحن بلا شرف ولا اخلاق وقسمم بالله كلاام مو طبيعي حتى الغريب ما يقوله، ودايم تقول حق امي بناتج بلا شرف بلا اخلاق عشان كذا مو متزوجات، ونحن بعدنا بسن الزهور، وتربط للمواضيع، الموضوع متعب والله أرهقني وارهق العائله، نحن الحمدلله عائله مترابطه ونحب بعض، بس أهي الوحيده كذا، مستحيل تشوف فينا الخيرانا تعبت...