كيف أثبت للجميع أني عكس ما يتوقعون وأحقق أحلامي

السلام عليكم كيف اطور من نفسي انا عمري الان ٣٥ سنه قصتي من وانا صغيره في مشاكل بالبيت ودايم اخواني يضربوني واسمع كلام من اهلي واختي الكبيره ويشتكون مني للناس ماكانت امي تحضني تحسسني بالأمان كنت بس أتمناها تضمني المهم كانو يررسلوني عند اخوي المتزوج عشان اخواني ومشاكل وكذا كنت اجلس بالايام عند اخوي للأسف تعرضت كذا مره للتحرش وكنت اسكت لان ماعندي احد يحس فيني ولااحد يهتم كنت أخاف واسكت وماخليه يقرب مني اهتزت ثقتي بنفسي وكمان اهلي ماقصرو لاتمشي مع هذي مااتحبك لاتكلميها لاتماشيها شفتي ايش سوت فيك هذا انتي ترمين نفسك على ناس مايحبو ك ااختي الكبيره كان شغل البيت عليها واحنا أطفال تشتكي لصديقاتها انها مظلومه ويجون لمي يهاوشوني ومن هالكلام اهتزت ثقتي بنفسي وبالي حولي خلصت الثانويه وكنت اتمنى اكمل الجامعه ولكن للأسف حطموني زوجوني بأول عريس والله العظيم لو بكيت دم مايتراجعو وتزوجت عشان لايزعلو وكان زواج فاشل من بدايته ولاشي ضابط حتى فستان الزواج أخذته وانا ابكي تزوجت مغصوبه انسان مريض نفسي بخيل الشي الوحيد انه يحبني بس حب تملك لاغير كان يضربني يهيني اهلي معه بكل شي حملت وجبت طفلتين حبيتهم اكثر من نفسي اهتميت فيهم نسيت نفسي والله انه كان حارمني من كل شي عطر وهو عطر ماعندي كنت مهمشه كنت ماحب اختلط مع البنات من عمري ولا اندمج كنت اكره حياتي لان لو احد يسألني عن أي شي ماعرف ولاشي بهالحياه كيف اهتم بنفسي كيف اتكلم معرف شي عايشه عشانه وبس صبرت وجا اليوم الي أوقف بوجههم كلهم واخلعه بالمحكمه طبعا اهلي سامحوه بالنفقه هو صارت مشاكل عشان أولادي لكن اخذت حضانتهم هو مو بس اناني على انا وكمان على أولاده محرومين جا يوم الخلع وتطلقت منه والحمدالله كان احلى يوم بحياتي قلت لازم اسعد بناتي واتغير رغم انو انا وحيده خواتي وأهلي يعتبرون الي مريت فيه شي عادي محد يحس يجي اليوم الي قلت فيه لازم اتغير ادرس بالبيت اتعلم لغات اي شي المهم اطلع من الي كنت فيه انا الحمدلله اهتميت لبناتي ودايم متفوقات وذكيات وطموحات رغم انهم الي بسنهم ماتعلمو مثلهم ماشاءالله لكن للخوف شوي مزروع فيهم بسبب المشاكل الي كانت بيني انا وابوهم ولانه دايم يهددهم ويخوفهم ماعلينا يجي اليوم الي بالصدفه اسمع اختي الصغيره والكبيره يتكلمو فيني لما زرت الجيران لأول مره وجلست مع بناتهم اني وحده ماعرف اتكلم وافشل وانو هم بنات طموحات بنات الجيران واختي الصغيره وأنهم درسو توظفو وانا ولاشي واني افشل امانه اني بكيت وكرهت حياتي اختي تقول عني كذا مو انتو الي دمرتوني والله اني دايم اعطيهم نصايح واتكلم نفسي اسوي كذا وكذا ويسووها هم بدالي لاني مكتفه اليدين الوظيفه مافي الدعم مافي هذا جزاي انا اعتبر قبل الصغيره اكبر مني ٥ وانا اول وحده تتزوج وتخلف واختي الكبيره تزوجت كبيره ولأن بنتي عمرها ١٤ سنه وانا شكلي صغير يقولو خلاص كبرتي والفرق بيني انا واختي الصغيره ٥ سنين هي توها متزوجه وبنتها عمرها سنتين خلاص راحت علي لادراسه ولاطموح ولاشي اقدر اسويه اقدر اتغير وأثبت لهم اني العكس واحقق الي بنفسي خلاص محطمه من جوه مو قادره اكمل انا بس ابغا دافع قوي يغيرني ابغا اغير من نفسي اتعلم كل شي فاتني من حياتي اعيش حياه سعيده اطنش كل شي يكسرني وابدا حياه جديده ابغا افرح من قلبي وانسى الماضي كيف بس