كنت أرسل صوري وتبت ماذا افعل

السلام عليكم ورحمة الله وبركاته انا كنت بعلاقة مع شخص كنت احبه ومتعلقه فيه لمدة ٦ سنوات حبيته وتعلقت فيه وكنت اخاف يتركني وما اتخيل حياتي بدونه بالمقام الاول ماكان يطلب مني هالاشياء ومره كنت مبسوطة لكن بالسنوات الاخيرة صار يطلب مني صور لاجزاء جسمي وبالبدايه انا رفضت وكنت رافضة الفكرة لان ما قد كسرت قواعدي لشخص وماعمري ارسلت لاحد

لكن كان يستغل فكره اني متعلقه فيه كان عنده اسلوب بالاقناع كان يطلب مني صور وكنت ارسل له صور جسمي بدون وجهي استمر الوضع لين ما انا قررت اترك هالطريق وفعلا بلكته من كل مكان وتبت الى الله وصرت احافظ على صلاتي واذكاري وندم ياكل قلبي من بعده ما دخلت العلاقات المحرمه وتركت هالطريق الحمدلله لكن يجيني تانيب ضمير والندم ياكلني وكيف كسرت قواعدي وارسلت له صور المفترض ما ارسلتها

لكن بسبب خوفي من اني افقده وعشاني كنت متعلقه فيه سويتها وخايفه انه حفظ صور جسمي مع انه حلف بالله انه ما حفظ شي ودايم ادعي لربي انه يسترني ويثبتني على طاعته لكن الندم والخوف ياكلني وصار لي ٤ اسابيع تاركته واختفينا من حياة بعض وايقنت انه درس لي لكن وش اسوي مع الخوف والندم؟ حسبي الله ونعم الوكيل اسال الله ان يسترني ولا يعيدني لهالطريق