لا أنسجم مع أحد.. فهل المشكلة عندي؟

هل انا فعلا وحيده؟؟؟... انا ست متزوجه من 8 سنوات وعندي اطفال حياتي الزوجيه مستقره والحمد لله...انا طبعي كتير هاديه ...وفليلة الكلام كتير...يعني ممكن اكون بجلسه وما احكي فيها ولا كلمه ..مع العلم اني جامعيه وبحب الثقافه والمعلومات الجديده..بس الاحاديث الي بتدور بالجلسات الي" بنحط فيها" ما بنسجم فيها وما بتناسبني..ومعظمها احاديث اجتماعيه....هاد الشي مرات بضايقني..ومرات بحكي لحالي مو مهم اني احكي واشارك...بس عند الواقع برجع احكي لازم يكون الي مشاركه ولو محدوده...هاد الشي خلا علاقاتي الاجتماعيه كتير سطحيه مع الناس حولي...وما الي اصدقاء من العائله او حتى اشخاص مقربين..لان ما حدا بينسجم معي بالكلام ...بس انا مو بايدي ما بلاقي كلام احكيه او اشارك فيه او ارد وادى جربت اشارك بتكون مشاركتي بايخه وما بتضيف شي للجلسه....انا من داخلي بعرف انه يما اني ما بعرف احكي اضل ساكته احسن....بس الناس ما بيفهموا هيك ...انا مرات بخاف حد يفهم سكوتي الدائم هبل ..او جهل...او اي شي سئ ..سامحوني على هالتعابير بس هاد الي بشعر فيه .... والمشكله ما وقفت على الناس البعاد ا...المشكله اني حتى مع اهلي وماما وخواتي ما بنسجم بالكلام هم بيكونوا بيحكوا ومتفاعلين وانا ما عندي شي احكيه...وما بقدر اعبر عن الي بفكر فيه ادا كان في شي بفكر فيه ...حتى ماما بتنسجم مع خواتي اكتر ما بتنسجم معي وبتحب تحكي معهم وتتناقش وبتحكي اخبار معهم بس معي انا لأ... وهاد الشي واضح الي من خلال المواقف وانا بعرف انها معها حق لان الكلام معي ممل وما في الو نتيجه او نهايه واضحه ...ما بعرف ادا ماما بتحس فيي وفاهميتني ..انا شاعره بالوحده واني مو قادرهاحكي مع حد انا اصلا ما في حد احكي معو حتى صاحبات ما الي..... هاي اول مره بحياتي بعبر عن هاي المشاعر الي بحس فيها ...شكرا الكم على هالفرصه ..يمكن هاي الفضفضه بحد ذاتها تريحني ..... تحياتي