لا ألتزم بقراراتي.. ومرتبطة لشاب يهملني

مرحبا انا ما عندي مشكله عندي مجموعه مشاكل ما بعرف شو ممكن يكون سببهم و حابه مساعده لو من اي ناحيه من نواحي حياتي يلي الها علاقه بمشاكلي.... اول شي انا طالبه جامعيه و الحمد لله السنه الجاي رح أتخرج ان شاء الله و ملتزمه بديني و الحمد لله هالشي مو تكبر بس الكل بمدح بأخلاقي و تعاملي.... انا شخص ما بحب المشاكل و بختصرها و ببعد عنها بس بنفس الوقت ما بحب حد ييجي فيني يعني شخصيتي مو ضعيفه و قد حالي و بمشي حكيي بكل شي بس عندي مشكله باني الزم حالي بشغلات ببالي او يلي بدي اياها يعني ما بقدر امشي حكيي ع حالي مثلا بنوي هالعطله ادرس و وقت العطله ما بمسك ولا ماده او بنوي اني اجهز لشرح ماده مثلا و ما بجهزها الا و انا بطريقي للجامعه هالشي متعب مع اني ممشيه حالي و معدلي ممتاز بس متعب اني اجهز كل شي باخر لحظه و جد نفسي اخلص من هالشي... مشكلتي التانيه من الناحيه العاطفيه بعرف شخص من فتره طويله شوي و بعرف أهله و كل شي و ناويين نرتبط رسمي بعد الفصل الأول يعني قبل تخرجي بفصل بس هالشخص صار يتغير آخر فتره يعني بسال مرة باليوم مع انه كنا نحكي بالساعات قبل بطل يحاكيني الصبح بطل يهتم وقت ما اروح بطل يسأل حتى و انا مريضه يعني اي شي و كل شي ممكن يشغلوه عن انه يسال 5 دقايق عني هالشي أثر ع نفسيتي كتير و أثر ع علاقتنا يعني بلشت أخاف ارتبط فيه إذا هو هيك ما بهتم بلشت أخاف بيوم يكون بحكي مع غيري مع انه شخص منيح و خلوق بس البعد بينا خلا مجال كبير للشك حتى هو بضل يشك فيني من جديد و باتفه الأسباب بعصب و بزعل و غير عن انه من جديد لو ما عجبه حكيي عادي بسكر الخط بوجهي و نحنا منحكي و بعد كم ساعه بس يروق بعتذر و بحكيلي انه كان معصب و ما بده يزعجني بالحكي.... وضع دراستي و اني ما بمشي يلي بدي اياه ع حالي او بالاصح بنوي شي و ما بعمله و وضع علاقتي كلهم ببالي و ماثرين ع نفسيتي و نفسي الاقيلهم حل او حد يحكيلي شو اعمل بكل شي منهم.... اسفه ع الاطاله بس مخنوقه و اخيرا شي اقدر اطلع كل شي ببالي فيه......