أعترف أني فاشلة ولكن كيف أتغير وأبهر الجميع بإنجازاتي؟
السلام عليكم اريد ان أخبركم قصتي من بدايه حياتي إلى وصولي لهذه المرحله المعقده من حياتي؛ وارجو مساعدتي لأعرف موقعي في هذه الحياه ؛؛ ولدت في عائله تتكون من عشر أفراد واكترنا بنات ؛! وأجيت انا مع اختي آخر اشي كان بابا وماما كبار بالعمر ؛ فأكيد التربيه والاهتمام آخر ما يهمهم؛ دخلت المدرسه من غير ما ادخل روضه وهاد أثر علي ك طفله لأني مو معوده ع أجواء المدرسه وكنت اخاف كتير وارجف واعيط وما حد سائل فيني ومو فاهمه شو يعني اصلا مدرسه ما كان عند ماما اي اسلوب التربيه؛؛ المهم بعد فتره اتعودت ع المدرسه وكنت منعزله لاااخر درجه ما الي صاحبات ولا اي حدا اتمشى لحالي واكل لحالي واروح لحالي ؛ واجت فتره الدراسه والاختبارات وكنت ازا جاوبت غلط ماما تضربني كف يا الله لليوم ما بنساه وتمز شعري اكيد عشان مصلحتي وعشان دراستي بس انا ك طفله الي تعامل خاص والضرب مو حل بلمره ؛؛ وكنت احفظ من هون وانسا كل اشي بس اروح ع الاختبارات وارجع بشهادتي ٥٠ ؛؛؛ اتخيلو بنت لسا صف تالت ورابع وخامس ويجيب معدل هيك !!!!!! اكيد يمكن كنت متاخره عن بنات جيلي بالذكاء بس ضربي مش حل ؛؛ المهم كبرت وكبرت معاناتي نفس التعامل ونفس الضرب ؛؛؛ ورح تسالوني وين ابوكي واخواتك عن هاد الموضوع ؛؛؛؛ بابا ما الو دخل بالبيت بس شغل حياتو كلها ما بيعرف اشي ؛؛ وخواتي نصهم كانو يضحكو لما يشوفو ماما بتضربني كف انو ما اغباها واختي الي أصغر مني كانت ذكيه من رينا فانو انا ليش ما اكون زيهم !!!!! المهم صار عمري ١٦ ويطلع احط واطي ل حد اصرخ واسب ما احترم اي حد حتى اسب ع ماما ** حسيت زي الي كأني بحكيلها من خلال تصرفاتي انتي اكتر شخص لازم يكون حنون علي ويحسسني اني انا اشي كبير لو كنت متخلفه وفقدت هاد الاشي عندك من وانا صغيره كيف بدك اياني احترمك واحترم الناس!!؛ المهم خلال مرحلتي الدراسيه كان لي صديقه اتعلقنا ببعض كتير ؛؛ بس بعد فتره صرت انا اطرد فيها التعامل معها باسلوب زفت وقطعت علاقتي فيها ع اساس انو اقطع علاقتي قبل ما هي تقطعني زي الي صرت اخاف من الناس والوجع وأخاف اتسببلي اي الم !! المهم صرنا نمشي مع بعض بس هيك اي كلام !؛؛ انتهت المرحله الدراسيه وانا مو مخليه حد بالمدرسة الا كرهتو فيني !!! دخلت الكليه ولاول مره بيكون الي شله انا واربع صديقات يا الله شو كنت مبسوطه انو أول مره بيكون الي رفيقات!!! بعد فتره صرت احاول اقطع علاقتي فيهم من غير سبب واغيب عن الكليه وانتظرها بفارغ الصبر عشان تخلص ؛؛ واي فرصه تخليني ما اروح استغلها؛؛ طبعا بالبيت علاقتي نفس ما هي الكل شايفني الفاشله الي منيح انها قدرت تتخطى الدراسه ما في تشجيع من اي حد ع اي اشي وطبعا ااتخصص الي اخترتو بالكليه من اختيار بابا كان ارخص تخصص ما في دفع كتير والله بتزكر قديش عيطت انو بديش هاد التخصص انا عارفه حالي ما بعرف بدي اشي احبو متل دورة طبخ او اي اشي يدوي انا شاطره بهيك شغلات بس لا لازم هاد التخصص لانو احسن للمستقبل ؛؛؛ المهم خلصت كليه ولا كاني دخلتها لأني ما كنت ادرس ولا اشي ونجحت بمعدل٦٧ طبعا مو من شطارتي كان الااختبارات ما عليها مراقبه ؛؛بس ؛؛ خلصت كليه وجلست بالبيت ما عندي هدف ما عندي اي اشي اسويه غير انو ارتاح واربح حالي وما حد الو دخل فيني ؛؛ افوت ع الغرفه أسطر ع حالي الباب وأقعد ع اللاب توب اكل واشرب بس ؛؛ وما كان عندي اي مشكله غير تأنيب الضمير انو اشوف بنات قدي بيروحن وبطشن وبيشترن وانا لا مو متل بنات جيلي انا المتخلفه الي راسها مغلق الي لسانها طويل الي ما بتحترم حد !!؛ وعشت ٣ سنوات بروتين يومي اصحا افطر واروح ع الابتوب استنى الغدا اتغدا وارجع وبعدين تيجي اختي نسولف شوي وبعدها اروح انام او احكي مع شباب ؛؛؛ اتخيلو هاد كل يوم بيصسر حافظه شو بدو يصير بكرا ؛؛؛؛ وطبعا اخواني ما الهم اي تدخلات اخوي الي أكبر مني بخمس سنوات كان فاشل نفس الشي ؛؛ واخوي الي أكبر منا بعشر سنين كان مستعر مني وكان دايما يضربني كفوف ويحكيلي فاشله حتى وانا كبيره مو من غير سبب بس لأني كنت اطول الساني !؛؛ ااااااخ والله بتزكر وقلبي بيوجعني انو مش عارفه شو اعمل بوقتها المهم صار عمري ٢٢ وصليت ادعي ربنا بدي اتزوج والحمد لله اتزوجت واحد عمرو ٣٥ واخترتو بس عشان بدي اتزوج واخلص ؛؛ واتغربت بعد بشهر معاه كنت مبسوطه رح اروح ع دوله تانيه رح انبسط وأخاف واعيش حياه سعيده ما كنت عارفه انو الروتين لاحقني وفشلي بالحياه ازوجيه رح يطاردني؛؛ خلفت ولد بعد شهرين وكانت حياتي عباره عن روتين يومي حاولت اغير اسوي شغلات بس ع الفاضي ؛؛ هلا انا عايشه بدوامه بدي اكون شخص ناجح بدي اكون حد مهم !؛ نفسي الكل يطلع علي علي ويكون معجب بأعمال او باي اشي بسويه نفسي اهلي يشوفوني يحكو والله ما اتوقعنا هاد الفاشله تصير هيك !!!!!! شو اعمل وشو مشكلتي واي سؤال انا جاهزة للاجابه عنه
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
- الدكتورة سناء مصطفى عبده لم تشدني قراءة رسالة أحد من قبل مثلما شدتني قراءة رسالتك، متقنة الصياغة والتعبير ومختصرة وتسرد حياة عمرها 25 سنة، لغة واضحة ونسبيا ممتازة في التعبير استمتعت وانجذبت للقصة، وتعاطفت كل هذه الامور تدل على رونق كاتبها وعلى شخصيتك وعلى امكانياتك، والله بدون مجاملة. ابدعت يا صديقتي.الامر الاول: دعي كل ما مضى وراء ظهرك لانه مضى وانتهى ولهذا اسمه ماضي، لا تحملي همه معك فوق كتفيك في رحلة حياتك فيتعبك ويعذبك ويثقل كاهلك ويعيق مسير تقدمك، انفضيه وادعسي عليه وارتقي درجة للاعى، خذي منه الدروس والعبر والذكريات الجميلة والدروس المستفادة فقط. ركزي على الحاضر الذي تعيشينه وخططي للمستقبل.الأمر الثاني: انت الان مسؤولة ويجب ان يبدأ ابداعك من مسؤوليتك الاهتمام بولد وبزوجك لانه سبب انتشالك من تلك المشاعر وعليك ان تعملي على اتقان هذا الدور بابداع لذا يمكنك ان تبدأي في واحدة من تطورات الذات من هنا، ان يكون بيتك اروع بيت ويكون ابنك افضل تربية وتعليم ويكون زوجك في افضل وضع راحة لتكون ملاكه وعشيقته، تفنني في امور الطهي وصنع الحلوى، والتقطي صور وتفاخري بكل هذا فهو بحد ذاته ابداع لا تتقنه الكثيرات فاظهريه وخاصة انك قلت تحبين الطبخ وغيره.الامر الثالث: فيما تبقى من وقت يجب ان لا يكون فراغ بل يجب ان يتم ملأه: لذا حددي كل هواياتك والامور التي تحبين لاقيام بها وابحثي عن طريقة لتطوير ذاتك فيها عن طريق اليوتيوب، حصص، حضور ورشات عمل، العمل الذاتي في لابيت طوري لغتك الانجليزية ومهاراتك، العبي رياضة ومارسي بعض الاعمال البيتية، ابداي التفكير بمشروع صغير من البيت ويكبر.يا ابنتي ليس المهم ان تبهري الناس لأن ارضاء الناس غاية لا تدرك.المهم ان تبهري حالك وتقارني نفسك بنفسك مع تقدم الوقت وترين تطورك وتحسن اداءك، وخاصة لسانك لانك تعودت لفترة على التعبير باللسان الان انتبهي لنفسك وتعلمي على الانترنت اصول الاتيكيت ومارسيها في لباسك وكلامك وطريقة تصرفك.لا تتحدثي كثيرا عن ما تفعلين بل دعيه يكون مفاجئة ليكون تأثيره أقوى.انظري لنفسك بايجابية ورونق وسيراك الناس كذلك. وفقك الله.
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات تطوير الذات
احدث الوصفات
احدث اسئلة تطوير الذات
اسئلة من بلدك
احجز استشارة اونلاين