أخجل وأخاف حتى ممن هم في سني!

السلام عليكم فريق حلوها بتمنى تنزلوا مشكلتي لانها أثرت بحياتي كلها أنا بنت عمري 20 سنة جامعية عندي مشكلة بشخصيتي الضعيفة والانطوائية مع اني كبيرة وبشوف بنات اصغر مني بالسن فصيحات وشخصياتهم قوية اما انا من كتر ما شخصيتي ضعيفة حتى صاحباتي اذا حكوا معي بصوت عالي بصير ابكي، حاولت اقوي بشخصيتي عن طريق فيديوهات عالنت وكلام ماما ، بس ما قدرت ،وفي كتير مواقف بيكون معي الحق بس بخاف احكي، ولما احكي مع حد كبير بالعمر بخجل كتير وببين هالشي، وما بحب أطلع من البيت وما إلي صاحبات الا تنتين وما بحكي معهم كتير ومعارف ما عندي ، بخاف من الوحدة ما بدي أكون هيك أخجل من الجميع وما اعرف أناقش حتى البنات اللي بسني ، شو الحل بتمنى تنزلوها للمشكلة و تساعدوني لتصير شخصيتي قوية.