هل هذه الأعرض ممكن أن تكون سكتة قلبية؟

السلام عليكم ورحمه الله وبركاته .. انا بنت عمري 27 سنه ، صارلي شهرين وانا احس بمضاعفات واحس نفسي ماني مثل اول ، حسيت بضيق بالتنفس وغثيان رحت للمستشفى شافتني الدكتوره وقالت مافيك اي شي، وبعدها بأسبوعين تعبت بزياده لدرجه اني احس بألم بالصدر ودوخه ، ورحت ايضا للمستشفى و سويت تحليل دم وعملت ايضا تحليل الغده الدرقيه كلها سليمه ، بعدها بشهر زادت معي الحاله بديت احس بضغط بصدري وثقل كأنها ذبحه صدريه واحس بألم في يدي اليسرى وتعرق كثير والم في الاسنان ،وقت النوم اجد صعوبه بالتنفس حتى نظري وقت ما اقراء احس بصعوبه كأن عيني تهتز ، سمعت ان هذي الاعراض ممكن تكون من اعراض اقتراب السكته القلبيه، وبعدها رحت للمسشفى وشافتني الدكتوره وعلمتها بأعراضي الجديده شافت ضغطي طبيعي وسويت ECG اللي هو تخطيط القلب وطلع سليم ميه بالميه .. قالت لي ممكن انتي تمرين بظغوطات نفسيه وخلتك بالحاله هذي ،،، اتمنى احد ينصحني وصرت اكل اسبرين بدون وصفه طبيه بسبب اللي فيني