ارتفاع بالكلسترول والدهون الثلاثية

السلام عليكم ورحمة الله وبركاتةمشكلتي هي انو زوجي عندو بالوراثة ارتفاع بالكلسترول والدهون الثلاثية . وهو اكتشفها من اربع سنوات عمل تحليل وطلع عندو الكلسترول والدهون الثلاثية نسبتها عالية و عندو دهون على الكبد. اول سنة كان بيراجع الدكتور وبياخد ادوية وابيعمل رياضة وكل شي تمام ونزل عندو نسبة الكلسترول والدهون والحمد لله. لكن بعد انقطاع سنة عن الدكتور راح عمل كمان مرة تحليل طلع عندو نسبهم عالية مرة تانية فحكالو الدكتور هادا بيكون عندكم وراثة بالعيلة ولازم تلتزم بالتحليل الدوري عشان ما يزيد نسبة الكلسترول والدهون الثلاثية عن حدها الطبيعي. ولكن المشكلة انو زوجي اولو تقريبا ثلاث سنوات ما راجع الدكتور ولا عمل اي تحاليل وازيدكم من الشعر بيت زاد وزنه بالآونة الاخيرة وصار بيحب اكل الشوكولاتة والاكل الدسم. وانا الي فترة بحاول معو يروح على الدكتور وهو رافض رفضا باتا. بحكيلو مو علشانك علشان ولادك. لكن للأسف لا حياة لمن تنادي. وخصوصا انو الدهون على الكبد اذا زادت ممكن تعمل تليف على الكبد. الله يحميه.ارجوكم افيدوني ماذا افعل؟؟؟