هل هذه الأعراض من الدواء؟

لا أعلم هل ما أشعر به هو مرض حقيقي أم توهم للمرض اي مجرد وسواس مررت بظرف صعب وفقدت أغلى الناس عندي هي أمي فصرت آكل ولكن غصبن عني يعني من غير نفس ضليتني كم يوم ورجعت صرت آكل عادي بس نفسيتي بضلها تعبانة وكل شي عم باكلو ما عم حس فيه .. بعد مضي أشهر ظهر عندي نقص في الحديد شوي فخفت جدا لأنهن صاروا يقولولي إذا صار عندك ياه واطي بتغمي بس رغم هلشي باكل بس عم بحس بالاكل مع اني مرات باكل بنهم .. الحكاية بديت من هنا اعطاني الحكيم دواء للحديد ليقويني طبعا انا من نوع كتير موسوسة من الادوية وبكرهها .. فبعد مضي ساعات وفجاءة حصل عندي عوارض كتيرة وخاصة لما كنت نايمة : فتح لي شهية فصرت كل دقيقة قوم من فرشتي وآكل بنهم وهلشي خلاني اتعب ، بعدين صار يضيق نفسي وحس بوجع بطن وتقيؤ وبعد شوي حسيت بحكة غريبة عجيبة سببت لي إحمرار وعصبية مفرطة وفيقت كلهن عليي فصاروا يقولولي " انت موسوسة " وحاجي كل شوي تطلعلنا بشي شكل " .. انا كل الوقت ماني مرتاحة وحطيت الحق عدواء مع انو في كتير بياخده منه .. بس انا ما عارفي شو اللي صارلي تعب لي نفسيتي لدرجة ويمكن لانو اخدتو غصبن عني ... بس تعبت نفسيتي لانو اللي حواليي مفكرني اني كنت عم بمثل وكل هلعوارض اللي حصلت معي مجرد وهم وسواس من راسي لانو دواء ما بيعمل شي ..أريد ان اعلم هل هو قلق من الدواء مع اني قريت عوارضه قبل ما أخذه واخدته غصب عني أم ان معدتي حساسة لانو انا كنت اخد دواء ثلاث حبات ورا بعض وكنت أستفرغ منو مع اني ما اهتميت بعوارضه ولا شي وهلء بهالفترة صايرة كتير حساسة ومتضايقة نفسيا لأنو تجريحات الي حواليي بأنو عندي خوف كبير من الأمراض وما بتحمل مع اني ما بنكر إني بخاف .. اريد أن أكون على حقيقة مشكلتي هل نفسية اي توهم المرض أم عضوية .. وأعلم ان الله وحده الشافي المعافي والحمد لله رب العالمين