هل التحاميل تسبب بفض غشاء البكارة؟

انا كنت مرسلة استفساري اللي كان بخصوص هل اذا كانت التحاميل تسبب فض عشاء البكارة ام لا ؟ و كل ما اجي داخلة على الصفحة اللي فيها سؤالي تحولني لسؤال ثاني مختلف فأنا سجلت حساب حتى انزل سؤالي قلقانة من موضوع غشاء البكارة و خايفة اني اكون فقدته و حابة اتأكد هل ممكن انه التحاميل تسبب فض غشاء البكارة ؟ راح اقول قصتي بالتفصيل عشان تقدروا تساعدوني !!  انا من مدة بسيطة كنت مريضة اجاني التهاب بالحلق و ارتفعت حرارتي كثير و استفرغت مرتين و كنت مو متقبلة حتى اشرب اي شي و اهلي كانوا مسافرين كنت لحالي في البيت و كانت معايا الخدامة جات عملتلي كمادات عشان تهدي الحرارة و مع كدا كنت لسة مسخنة و تعبانة فحاولت اني اخذ حبوب فيفادول بس ما كنت قادرة عشان بطني و آخر شي اطرت الخدامة انها تحطلي تحاميل كذا مرا و ما كنت قادرة احس هيا فين بتدخل ! خايفة تكون بتدخل غلط و تكون سببت ليا مشكلة في الغشاء !! لانها كل ما كانت تحطلي تحميلة كانت تألمني !! فياريت تفيدوني هل في اسوء الاحوال لو دخلت بالغلط ممكن تسبب تمزق او ضرر للغشاء ؟!