حكة بجسمي سببت لي هوس وخوف

السلام عليكم .. انا بنت عمري 22سنة .. عندي حكة بجسمي بتضايقني كتير رحت عند دكتور قالي حساسية الصيف من اواعي او اكل مع العلم انه هالحكي صارلي بعاني منه سنة او اكتر ورحت صيدلية قالتلي حساسية او نفسية واعطتني ابرة قالتلي رح ترتاحي عليها ل 6 اشهر ومع هيك ما استفدت وجبت دوى حساسية كمان ما استفدت .. دورت بالنت ع الاسباب الي ممكن تكون لقيت انه الي موجود غير الي بعاني منه يعني انا بس عندي حكة بجسمي واكتر اشي بظهري وما في حبوب ولا اشي.. قرات انه ممكن تكون حكة عصبية لاني بتضايق وبسكت مثلا وفي شغلات تانية قراتها انه ممكن تكون فشل كلوي او مشكلة بالكبد او شغلات كتير متل هيك بتخوف .. مو عارفة ابدا شو اعمل وكيف ارتاح اشي بتضايق كتير ولا يطاق يعني صار الانتحار عندي اهون من هالهم . ارجو المساعدة .