أشعر بأني فاضية وعالة على المجتمع

سلام عليكم .. انا ابي تساعدوني بحلول اسويها . لان بصراحه طفشت كثيررر .انا انسانه اللهم لك الحمد عندي مواهب ونشيطه واحب الافكار والمشاريع . يعني معي ثانويه بس مو ميولي دراسه . ميولي افتح لي مشروع خاص . وووالله العظيم اني انسانه يعتمد علي وما اقول هذا الكلام عن شخص ما اعرفه اتكلم عن نفسي انا . انقهر ان عمري ٢٦ وانا الى الان حاطه يدي على خدي .. ابداً وضعي مو عاجبني واحاووول واسجل لكن عجزت تضبط معي .. مره انقهر على حالي الناس تَكون شي خاص فيها وتشتغل على نفسها . وانا لا . مع اني عندي شي ممكن مايكون عند غيري . انا انسانه متفائله جداً ان القادم بيكون اجمل بإذن الله بس لازم اعمل بلاسباب واتحرك .. انا ابغي بس تقولون لي حل لوضعي وربي تكسبون فيني اجر . علماً اني متزوجه وعندي طفل عمره ٤ شهور . طفلي بحد ذاته مشكله هههه الله يخليه لي ويحفظه . افكر فيه كثير ومابي اظلمه وابتعد عنه لكن والله مجبوره . انا نفسيتي تعبت من جلسة البيت . وغير كذا يجيني احساس اني فاضيه وعاله على المجتمع . الله يسعد ويرزق كل من بيساعدني ويفتح له الخير من اوسع ابوابه ... من الاشياء اللي اتميز فيها .. المكياج .. الطبخ وفتحت مشروع طبخ منزلي وكنت ماشيه لكن متعب جداً لان ماعندي شغاله تساعدني وكنسلت .. اتميز ايضاً بالتصوير لكن ماهوو من اهتماماتي احب اصور لكن مو مركزه فيه .. احب اطبق اي شي اشوفه يوتيوب يعني بدال ما اشتريه انا اسويه بنفسي وتفوقت بهذا الشي الحمد الله .. واشياء كثير لكن مابغي اطول بالكلام .. اللهم لك الحمد داخلي ملياااان لكن التوفيق والرزق من ربي سبحانه ما يأخر شي الا لحكمه .. اتمنى مساعدتكم لي سوا افكار . سواء احد يعرض علي وظيفه وبكون لكم شاكره .