خطيبى يرفض خطيبي يرفض إعلان خطوبتنا ويقنعني بالبقاء بعيداً عن عيون الناس (3)

خطيبى يرفض اعلان خطبوتنا ويقنعنى بالبقاء بعيدا عن عبون الناس 3 الحقيقة كلام حضرتك يا دكتورة سناء لمس قلبى من جوا كلامك صح فى كل كلمه قولتيها مينفعش افضل فى الكواليس انا بعد ما قريت تعليقك كلمته انهاردة كان لسه نايم طلبت اقابله هو استغرب عشان احنا بنتقابل كل يوم عشان هو اجازة وهيرجع تاتى بلده هو هيسافر بكرا اتقابلنا على من كام ساعه كدا وكلمته فى الموضوع داه تانى كان مصدوم من كلامى المرادى لانى كنت بتكلم باندفاع كبير وقولت حتى كلام حضرتك اللي قولتيه لقيته اتصدم واستغرب من كلامى وقالى انا مش مخبيكى انا بس مش عايز حد يفضل متابعك ولا يخنق حياتك الشخصيه وانا مش بخبى ولا بنكر علاقتنا انا منتظر بس نتجوز وهعلن رسمى ان اتجوزت بس مش هنشر اى صور لينا قولتله ليه بقى محسسنى ان علاقتنا ممنوعه او محرمه وانى عمال تخبيها انا حتى محدش هينتقد لبسى لان مش بلبي حاجة تكسفك قالى ابسط حاجة هيجبوها وينتقدوكى انتى دلوقتى محجبه متنسيش انك كنتى اتحجبتى وقلعتى الحجاب وبقالك سنه ونص بس محجبة انفعلت عليه و قولتله ادام شايفنى فيا غلط للدرجاتى يبقى بلاش علاقه هتتعبنا كدا قالى انا مسافر بكرا مش عايز نفضل زعلانين من بعض وانا اسف لو قولتلك كلمه زعلتك او تصرفت تصرفات دايقتك قولتله وقت ما يبقى عندك الشجاعه انه تيجى قدام العالم كله وتقول انا خاطب وبحب خطيبتى مش عمال تقول مش مرتبط انت عارف بيتى ابقى تعالى كلم اهلى ومشيت وسيبته ويعتبر حاليا سايبين بعض مش هقولك مش زعلانه لا بالعكس انا منهارة انا بموت يا دكتورة سناء وكمان انا فعلا لما جيت افكر فى نقطة حجابى لقيتها هتتحسب عليا غلطه انا كنت محجبه فى الاول زى اى بنت مسلم بس مكنتش لبساه عن قناعه قلعته ٥ سنين وبعدين دلوقتى لبساه عن قناعه وربنا يثبتنى عليه