الإفراط في العمل تسبب لي في مشاكل مرضية فما الحل

السلام عليكم ورحمة الله وبركاته، الإفراط في العمل تسبب لي في مشاكل مرضية فما الحل؟ لو سمحتوا يا جماعة، انا بشتغل شغلانتين اكتر من ١٦ ساعة ف اليوم، ويعتبر معنديش اجازات، شغلى كله ضغط عصبى ونفسي وتفكير زايد دة غير المطلوب منى فى البيت

حياتى مبقلهاش طعم كلها شغل فى شغل وحوارات ف الشغل مش بتبطل، اكلى كله برة عبارة عن اى حاجة ومن غير نفس أهملت فى نفسي وصحتى وفى لبسي وأكلى، مش عارف استمتع بنوم ولا اكل ولا اقابل حد أو اقعد مع حد، دة غير صحتى اللى اتأثرت

خايف اسيب شغل من الاتنين مستوى بيتى يتأثر، مش عايز اقصر فى حق اولادى أو احرمهم من حاجة وفى نفس الوقت مش قادر اكمل كدة، انا تعبت نفسيا وصحيا وحياتى ملخبطة قوى دة غير المطبات والمشاكل والظروف والازمات اللى بتحصل للواحد فى حياته ساعات بحس انى ممكن انفجر فى اى أزمة أو مشكلة تحصلى واعمل رد فعل مش محسوب يضيع كل اللى بعمله، ماذا أفعل