كيف اشد الترهلات في جسمي

السلام عليكم كيف اشد الترهلات في جسمي صبايا مشكلتي تاعبتني كتير ومحتارة أنا صبية عمري ٢١ سنة جميلة وجسمي حلو ما عندي زيادة وزن، وزني ٥٥ وطولي ١٦٥ يعني اللي بيشوفني بيقول جسمي مثالي ورشيق بس ما حدا بيعرف شو في تحت الملابس

مشكلتي إني عندي سيلوليت بمنطقة الفخاد من الخلف والمؤخرة كتير بيزعجني منظر الجلد المترهل متل الختيارة عرسي بعد خمس شهور وخجلانة كتير من جوزي رح يتفاجأ كتير لأن هو بيحب الجسم المشدود ودايما بيقول انو جسمي حلو ومثالي خايفة يتفاجأ

سمعت عن سكراب القهوة وجربتو كم مرة بس بطلت لأني مش قادرة داوم عليه على طول وحاليا ملتزمة منذ اسبوع بشرب تلاتة لتر ماء باليوم + تمارين شد المؤخرة والافخاد (سكوات وغيرها) وبالنسبة لنظام الغذاء فأنا ما بحاجة للالتزام بنظام معين لأن مهما أكلت وشو ما أكلت جسمي بطبيعتو ما بينصح يعني لهالسبب ما عاملة دايت ولا خففت أكل بتنصحوني داوم على هالتمارين او ما في منها فايدة؟ واذا كانت بتفيد قديش بدي وقت حتى لاقي النتيجة المطلوبة ساعدوني لأني عنجد يئسانة