ساءت حالة ابنتي النفسية بعد موت أختها الصغرى ماذا أفعل؟

بنتى الكبيرة اتجننت هى فى تالته جامعه كان عندى بنت اصغر منها فى اولى ثانوى الاتنين كانوا مرتبطين ببعض اوى بنتى الصغيرة كانت مش ملتزمه فى الصلاه نهائى وفجاءه اتغيرت تغير جذرى وبقت ملتزمنه وبعد ما كانت بتشترى روايات رومانسبه بقت تشترى كتب دينيه وكان كل كلامه عن الموت وان الموت ميعرفش سن كانت تفضل تكلم اخوها الصغير هو فى تانيه ابتدائى عن الموت والصلاه وعن الرسول وكانت تقولوا ممكن وانا قاعده دلوقتى اموت وتفضل تحببه فى الصلاه هى كانت متفوقه فى دراسته كانت تفضل تذاكر للفجر وبقت تصلى قيام الليل وكان معروف انها لما تذاكر محدش يدخل عليها وفى مره كانت قاعده تحت فى الصالون معايا وبنتكلم وطلعت قالتلى المغرب هياذن هقوم اتوضاء واصلى وهذاكر شويه عشان خارجة انا وصحابى رايحين خطوبة اخت صاحبتى وطلعت وبعد اكتر من ساعتين جات اختها هى كانت بره وقالتلى فين اختى عشان صاحبتها اتصلت عليا وطلعت ليها وطلعت على صويت وعياط بنتى الكبيرة ودخلت لقيت بنتى الصعيرة ميته بنتى الكبيرة كانت عماله تحركها وتقوليها مالك اصحى وكلمت اخو جوزى جيه بسرعه وجاب دكتور وبنتى ماتت موته طبيعيه الكل كان بيعيط وابن عمها كان هو وهى من سن بعض مكنش مصدق وبيعيط وبنتى الكبيرة كلمت بابها هو فى اعارة برة مصر وقالتلوا الحقنا جوزى مفهمش حاجة منها بس فهم ان فيه مشكله وحاول يكلم بنتى الصغيرة يفهم منها حاجة ومكنتس بترد واتصل باخوه ومردش ونزل مصر واجلنا دفن بنتنا لغاية ما جوزى شافها هو تعب وكان هيجيلوا ازمه قلبيه هو مكنش يتخيل ان تكون المشكله موت طفل من اطفالنا المشكله فى بنتى الكبيرة لغاية دلوقتى مش قادرة تتعايش مع موت اختها ولما ترجع من الجامعه بتبقى جايبه اكل ليها ولاختها وبتجيب صور قديمه لاختها وبتتصور زيها وتجمعهم مع بعض وبتنام دلوقتى فى اوضه الى كاتت فيها اختها وبتتخيلها فى كل حته وصلت انها تتكمل معاها واخر موقف حصل انها عملت حادثه هى محصلهاش حاجة العربيه اتخبطت وتهبدلت ولما اطمنا عليها طلعت سليمه خالص بس الحادثه مكنش حد طبيعى يعملها ولما سالنها ليه قالت كنت بكلم اختى ومختش بالى ان فيه عربيه قدامى انتوا متخيلين ان المشكله وصلت لفين يعنى ساتر ربنا ان الحادثه بسيطه يعنى لو كانت على طريق سريع كانت ممكن تموت بنتى الصغير ماتت فى شهر ٩ يعنى بقالها سبع شهور متوفيه ومع ذلك حاله بنتى الكبيرة بتسوء اكتر واكتر ناس كتير نصحونى اوديها لدكتور تتعالج بس انا كنت بقول مع الايام حالتها هتتعدل بس مفيش تحسن وكمان انها شافت اختها ميته ادامها وكانت بتمسكها داه شئ كبير جدا وانا بنتى بتخاف من اقل حاجة اوظى ول مره بنتى الكبيرة تشوف ميت ولما تشوف تتطلع اختها اسفه للاطاله