ابني يُفضّل العيش مع أمه المطلقة لأنها تتركه على راحته

انا رجل متزوج وعندي ابن من زواجي السابق عمره 10سنوات عايش عندي من 6سنوات لانه امه تزوجت وانتقلت لبلد ثاني وبتيجي بتزوره كل سنة اسبوعين او ثلاث زوجتي الحالية ما قصرت فيه نهائيا وربنا رزقني منها بطفلين وما في اي تمييز بينهم بس لانه هو الاكبر بنشد عليه اكثر شوي تفاجئنا انه بفضل العيش مع امه وبكون بقمة السعادة لما يكون عندها ولما يرجع لعندي بكون كئيب ومش مبسوط سالته عن الاسباب فكان رده انه عندها الحياة اسهل يعني بتخليه على راحته يعني عايش زي ما بده بدون تربية حتى ع مستوى حفظ القرآن ما بتحثه عالحفظ مع انه طلبنا منها بس تراجعله الي هو حافظه ولكن للاسف كانت تتركه على راحته عالتلفون والتلفزيون انا محتار اتركه يروح معها للبلد الي هي في ولا اجبره على العيشة معي علما بانه والدته خلفت ولد قبل قترة بسيطة ولما اجت هاي الزيارة كان معها وابني انبسط عليه كثير