كيف أتعامل مع ابنتي التي تعاني من متلازمة توريت؟

السلام عليكم انا مشكلتي مع ابنتي كبيرة جدا احنا عايشين في بلد غير بلدنا بس بلد عربية وبنتي عندها ١٣ سنة يعني في مرحلة المراهقة وحاولت اني اتقرب منها كتير بس المشكلة ان انا ووالدها عصبيين كدا وكنا كتير بنتعصب عليها لانها كانت متعبة كدا وعنيدة طول عمرها وشقية وصعبة وتعبتلي اعصابي ولما تمت ٨ سنوات جاتلها حالة كانت بتقول الفاظ نابية بصوت عالي وبدون توقف وبعد استشارة اطباء طلع عندها حاجة اسمها متلازمة توريت وانا الالفاظ دي بتكون غصب عنها وابتدينا علاج معاها وكنا بنحاول نقلل عصبيتنا عليها بس هي كتير عنيدة ومتعبة في كل حاجة في المزاكرة والصلاة ومرتبطة باصحابها بطريقة مرعبة لدرجة المدرسين نصحوني انقلها من المدرسة وعملت كدة فعلا لكن الامور بتزداد سوء مش عايزة نصاحب حد من المدرسة الجديدة ولسة مرتبطة بصحابها القدام وانا عشان ماضعطش عليها خليتها تكلمهم وتخرج معاهم من فترة للتانية ودايما باشجعها انها تتعرف على ناس جداد برضه وتحاول تتقرب من حد في مدرستها الجديدة بس برده مفيش فايدة وحاولت كتير اني اشغلها واخليها تلعب رياضة بس هي بتزهق بسرعة وكانت مش بتكمل وحاليا هي بتلعب كرة سلة وحاباها نوعا ما وبقالها سنتين تقريبا بتلعب المشكلة دلوقتي اني اكتشفت انها خرجت مع ولاد من مدرستها القديمة وانا كنت سامحالها ان يكون ليها اصحاب على الانستجرام وكنت مفهماها ان فيه حدود للصداقة دي وان يكون مفيش كلام خاص بينها وبين اي حد وحصل كزا مرة اني لاقيتها بتكلم زمايلها خاص وكلمتها وقلتلها ماينفعش وحاولت اني اخد منها الموبايل فترة كعقاب لما لاقينا الكلام بقى فيه شتايم كمان بس برده مفيش فايدة واخر مررة لما عرفت موضوع الولاد اللي خرجت معاهم اتجننت فعلا وطلبت منها تمسح كل الولاد اللي عندها ومش معاها في المدرسة ياتلغي اكونت الانستجرام رفضت سيبتها شوية لاقيتها جات قالتلي اوك بس اديني فرصة اقولهم اني هامسحهم عشان شكلي وسيبتها بس شكيت في الموضوع وحسيت ان ممكن تعمل اكونت تاني فدخلت عالاكونت بتاعها لاقيتها عاملة واحد تاني وباعتة للناس تقولهم يتابعو الاكونت الجديد عشان الاكونت الحالي غير مسموح يكون عليه اولاد انا مش عارفة اتصرف معاها ازاي انا مسحتلها الاكونتات بتاعتها كلها وسحبت الموبايل وهي نايمة وباباها هايقولها انه قدم بلاغ للانستجرام انها اقل من ١٣ سنة ومسحلها الاكونت وانا مفهماها ان باباها مش عارف عارف حاجة هو بس يعرف اني عايزاها تشيل الولاد اللي عندها وخلاص بس هو يعرف وفضل انه مايتدخلش انا مش عارفة اعمل ايه بس موضوع الخصوصية والكلام ده مانفعش معاها وطلعت مش قده وانا قلتلها اني كنت فاكراها قد المسؤولية بس انتي خذلتيني وانا تعبت الولاد كمان اللي تعرفهم اخلاقهم وحشة وبيقولو الفاظ فظيعة وانا تعبت من الشتايم اللي باسمعها طول اليوم وحاسة اني داخلة في مرحلة اكتئاب ارجوكم حاولوا تساعدوني