خائف على وضع ابنتي الصغيرة

السلام عليكم عندي ابنتي ٣سنوات ونص طبيعه جدا لحد سن سنتين مشيت علي سنه وتلاث اشهر وبدات كلمها بدري وكلامها مفهوم جدا المشكلة انها لحد دلوقتي مش فاهمه الكلام اللي بتقوله بحس انها حافظه كام جمله بتقولهم في أي وقت وأكبر مشكله انها بتخاف من الناس جميعا ما عدا أنا ومامتها وهي بتروح حصانه بس للأسف مش بتتكلم مع أي حد هناك بتحاول تتكلم مع الأطفال بس هي مش فاهمه تقولهم ايه وعندها القدرة علي الحفظ غير عاديه لدرجه انها بترجع تقول كل الكلام اللي اعتقال اليوم في الحضانه وبرده بتقلد كتير جدا لدرجه انها بتقلد كلام المدرسة بتاعتها وحركاتها في البيت بس في الحضانه بتبقي من غير أي صوت ولا حركه بنتفرج وتخزن كل حاجه وتعملها لما توصل البيت وكانت من اول سنتين لحد دلوقتي بتكرر الكلام ورا اللي بيحاورها بس دلوقتي الموضوع بقي اقل وآخر حاجه انها لما بتيجي تتكلم مع أي حد بتبص في مكان تاني ومش بتبص ليه لدرجه اتي بحس انها بتكلم حد في خيالها هي بس أنا عرضها علي مركز سمع وكلام ودكتور نفسي وقالوا انها مش فيها أي حاجه كل اللي قالوه أني لديها ثقه في نفسها بس الموضوع شاغلني جدا لدرجه أني مس بقيت مركز في أي حاجه غير أني بفكر ايه العمل لو سمحتوا لو حد يعرف تفسير أو لو في دكتور متخصص يقدر يفيدني أكون مشكور جدا وشكرا جزيلا مقدما