متى يعتبر الطفل تأخر في الكلام

مرحبا متى يعتبر الطفل تأخر في الكلام انا بنتي عمرها سنه وتمن شهور وهي اول طفل عندي مشكلتي معها انها لهلا ما عم تحكي شي بضل تصرخ بحسها بدها تحكي بس مش قادره مع العلم انو سمعها منيح وبرضو لسانها مو مربوط يعني بتحكي بببب بدل بابا و مممم بدل ماما والمشكله التانيه انو بنادي عليها ما بترد الا مره كل الف مره

قعدت معها وصرت احاول احكي معها بس عبث ما بترضى تتواصل معي بتحب اضلها ع كراميش ومتعلقه فيا كتير يعني ما بتخلي حدا غيري يحملها الا خالتها وباقي الاهل بتخاف وتبكي انا خوفوني بحكولي لازم افحصها بلاش يصير معها توحد او يكون معها اشي لانها ما بتستوعب شو بحكي معها برضو

انا بلاحظ عليها تصرفات بحسها فيها بتفهم مثلا بس امشطلها شعرها بتمسك المشط بتحطو عراسها احيانا بتصحى قبلي بلاقيها رايحه عالمطبخ بتسحب اي شي من الطاوله شيبس خبز وبتاكول وتقف عالشباك تتفرج عالسيارات هلا عم علمها تزئف صارت تمسك ايدي تزئف فيهم بس هي لحالها لا انا محتاره ادخلها حضانة ولا استنى عليها لبعد السنتين واعمل فحص وصوره للدماغ ولا وضعها طبيعي