كيف أعالج ابنتي من الخوف

السلام عليكم ورحمة الله وبركاته كيف أعالج ابنتي من الخوف؟ ابدى بمشكلة بنتي عمرها 8 سنوات بلشت معاي المشكلة من مرحلة ما كنت بدي انضفها من الحفاض كانت كتير تخاف وما تقبلت الموضوع بسهولة ومع النقاش اللين والحاد اتجاوزنا هالخطوة بس بعدها صرت احس انها بتخاف من كل شي مع انها

وهي طفلة رضيعة ما كانت تغلبني وكانت هادئة جدا حاليا صارت 8 سنوات وصارت تبدل الاسنان الاسنان الامامية صارت بدها تنخلع بعمر 7 سنوات وكانت خايفة جدا انه تخلعهم حتى انه ضلوا سنة كاملة وطلع اسنان دائمة خلفهم انتظرت لحتى ينخلعوا لحالهم مع الاكل وصلنا لمرحلة انه خلص الاسنان تقريبا رح يطلعوا بس انا لازم اشيلهم وحاولت معاها اكثر من مرة وكانت تخاف وصار ينزل دم وحست في دم بطلت تاكل او تشرب مدة 10 ايام من كتر زعلي عليها

بعد نقاش طويييل انه هاد الاشي رح يضرها قررت اخلعلها اياهم وفعلا صار نزل شوية دم وجنت وما بدها تطلع الدم وضلت فاتحة تمها وبعدها ضلت يومين ما اكلت وبعدين اكلت عالخفيف شوربات ومي بهالفترة نزل وزنها كتير كتير وجسمها بدى نحيل وصلنا لمرحلة كل ما سن بده ينخلع يصير عندها خوف ما بدها تاكل او تشرب حتى وصلت لمرحلة ما بدها تروح عالمدرسة الا بصعوبة ارجو الرد عالمشكلة اريد حلا من اهل الخبرة وشكرا