كيف أجعل طفلي يلعب مع الأطفال؟

شكرا لك ع الرد ..فكرت اني ابعثه على الروضه لكن انا بدولة اوروبيه، وخايفه بس  يشوفوه كدا يحكولي عندو توحد او اشي لاقدر الله، مع العلم اني حاسه طفلي طبيعي وبيفهم مشاعرنا وكلامنا وبيرد صح لسا ما بيحكي بشكل ممتاز لكن بيتكلم وبغني وبقلد وبياكل بشكل كويس وبيطلب الاشياء باسمها والشغله يلي ما بعرفها بشاورلي عليها، ولما بنروح اماكن عامه بلعب عادي وبضحك وبنبسط وما بحسه بخاف من الاطفال واوقات بحاول يتقرب بتكون ردات فعل اطفالهم سلبيه او ما بحبو يلعبوا او هيك فببعد ،،  وانا كتير بشجعه يلا نلعب معهم او بروح معه وبقعد حواليه لبحس اني جنبه وبعدها بسحب حالي بدون ما ينتبه بتلاقيه عطول التفت الي واجى يجري خايف  ،، ولما نحكي معو بحكي معنا وبتطلع بعيوننا عادي وبلعب وبقلدنا وبضحك معنا وكلشي فما بعرف كتير خايفه كان متعلق بالسيارات ومن فتره رفعت معظم السيارات عنه اولها كان يفتقدهم كتير بس هلا تقريبا ما بدور عليهم الا ازا لاقاهم بلعب فيهم .. انا مش عارفه الروضات هنا مده طويله يعني لو فات من السنتين نص ما بيطلع من الروضه قبل ال7 سنوات لانهم بعد مواليد شهر 9 ما بيفوتوهم سنة وهالشي متعب لام في دوله اوروبيه توصلي طفلك يوميا او بما معدله هيك لمده خمس سنين وللامانه مش خايفه غير انهم عطول يحكولي يمكن عندو توحد واقعد بعدها بمشاكل وفعلا يصير ابني مريض من ورا تشخصيهم 

ابني بيحكي بس لسا مش كل شي بس بالبيت لو حدا من اخوته ضربو او اشي عطول بيجي بيشتكيلي وبياشر ع المكان يلي انخبط فيهالمشكله انه بس اروح بيوت الاقارب واحنا بغربه يعني ما في كتير حوالينا بيضل يعيط وخايف وما بيسكت ابدا لتطلع روحي وانا بسكته وبعدها بيهدى وبحاول انا اضل اروح ادمجه معه مبيغيب دقايق وبيرجع يجري ع المكان يلي انا فيه وحتى بحاول اخلي الاطفال يلعبوه يتحايلوً عليه يلعب بضل يصرخ وخايف يقربوا منه رجاء ازا حدا مر بهيك اشي وبيقدر يفيدني بكون ممنونه والكم جزيل الشكر

كيف يعني لو سمحتي ؟

ارجوكي توضحي وتنصحيني خايفه كتير ع ابني يزيد هالشي وما يتفاعل مع الاطفال 

طيب كيف اساعده يتجاوز هالمشكله ، مع انه الطفل كويس ويعمل حركات ومشاغب وبيغني وبتكلم وبقلد الكلام والشغلات هاي كلها كويس فيها، وانا باخده اماكن وع الاقارب لحتى يحاول يلعب لكن مجرد ما نفوت بيت اي شخص يصرخ ما يوقف صراخ ، ولما اروح اماكن عامه للالعاب وهيك ينبسط ويلعب وما احس فيه ، لكن من افوت بيت قريب او اشخاص نعرفهم يضل يصرخ ويعيط ما يسكت الا لينهد حيله