سلوك ابني السيء وضعني في مشكلة كبيرة

مشكلتى كبيرة جدا ومش قادرة الاقى لها حل .. ابنى عنده 15 سنة فى اولى ثانوى ومن وهو صغير وهو بيعمل مشاكل كثير مع كل اللى حواليه من بداية اولى ابتدائى سيئ السلوك والفاظه سيئة مع انه يعلم الله ان انا وابوه ناس محترمين ابوه طبيب وانا معلمة بس متفرغة للاولاد مش بشتغل وكل الناس بتحبنا جدا ومعاملتنا مع كل الناس ممتازة بس مش عارفة هو بيعمل كدة ليه عمرنا ما تلفظنا امامه بأى لفظ سئ ولا حتى من وراه كل ما يقابل ناس جديدة يخسرهم ما بيعرفش يصاحب حد وكل الناس بالنسبة له مش يتحبه وهما اللى بيستفزوه ده من وجهة نظره هو بس لما بنسأل كويس نلاقيه هو اللى بيبدأ ويخسر الناس حاولنا معاه بكل الطرق الشدة و اللين الثواب والعقاب الصلح والخصام لدرجة اننا ما بقيناش نفرق معه اصلا ولا بيهمه زعلنا مش عارفة ليه وبييجى امامنا وما ينطقش اى حاجة ولا يقول هو بيعمل كدة ليه لو اتكلمنا 3 ساعات ما بيردش يسمع وبس والله احنا تعبنا ونفسنا ينصلح حاله بس مش عارفين كل المدارس اللى بيدخلها تشتكى منه ومن سلوكياته وكل اصحابه بيتركوه ومش بيرضوا يصاحبوه ارجو المساعدة فى حل المشكلة