صدمني ما يبحث عنه طفلي في الهاتف

ابي مشورتكم ورايكم لاني في هم ما يعلمه الا الله ولدي عمره ٧سنوات وما كنت اعطيه الجوال ابدا وامنعه منه واذا بعطيه بس اخليه يلعب ويرجعه والفتره الاخيره صار يشوف اولاد عمه عندهم جوالات ومحد يمنعهم صار يبكي عشان اعطيه ويزعجني بطلبه ويزعل واشوف الملل في وجه صرت اعطيه ساعات محدده وارجع اخذه معه وكانت الامور تمام قبل يومين رحت محرك البحث وانصدمت كان كاتب ناس يفصخون سراويلهم انصدمت انهرت انا ولدي اللي اوثق فيه يشوف مثل ذي الاشياء واصلا باقي صغير على ذي الاشياء كيف عرفها خاصمته وقلت له ان ربي ما يحب اللي يشوف ذي الاشياء وحرمته من الجوال جلس يبكي وحلف لي ما عاد يشوفها واليوم رجعت له الجوال وبعد ما تركه اخذته رحت اشوف ولقيته كاتب نفس الشيء وش اسوي اخاف على ولدي مع اني والله انا وابوه مو مقصرين معه ابوه يترك اشغاله ويجلس يلعب معه ويحاول انه يعطيه من وقته وانا كذالك بس اوقات نضطر انا ننشغل ..وش الحل اخاف امنعه من الجوال ويعاند او اخاصم ويتمادا وما يهتم لكلامي تعبت من التفكير ساعدوني