أشعر بتأنيب الضمير لأنني أهمل ابنتي الرضيعة

السلام عليكم سؤالي انا متزوجة وعندي رضيعة عندها 7 شهور برضعها صناعي بعد ولادتي نفسيتي تعبت من مسؤولية اول بيبي ليا وكنت في حاجات كتير مش فهمها في الرعاية بالرضيع لانها اول بيبي ليا فكنت اهمل في رضاعتها في كتير من الاحيان ولما انتبهت لامر كانت بنتي في شهرها الرابع فحاولت اهتم اكتر برضاعتها لكنها بعد كام يوم بقت ترفض الرضاعة الا وهي نايمة ومش بترضى تشرب غير نص الرضعه وحسه انها عندها تأخر في الحركة يعني مقعدتش لوحدها ولا اتقلبت الا الشهر ده غير ان طولها لما بقرنها بالاطفال في سنها بحسها اقصر بس وزنها اعتقد كويس غير كده انا وزوجي مدخنين فمعظم يومها سيباها لوحدها في سريرها بتلعب بالعابها ومن وقت لتاني بروح العب معاها واكلمها واغنيلها وباباها نفس الحكاية فهل ده غلط وكمان مش حساها متعلقة بيا اول ارجوكم ترودو عليا لاني من الخوف عليها وتأنيب ضميري والتفكير مش عارفة انام ولا ابقى مبسوطة وشكرا