هذا ما أعانيه مع ابني بسبب مشكلة النطق لديه؟
![هذا ما أعانيه مع ابني بسبب مشكلة النطق لديه؟](https://static.hellooha.com/revamp/assets/imgs/logo-desktop.png)
السلام عليكم انا لجأت لكم بعد ما خلاص استويت بجد واعصابي مش متحمله وانهرت الحكايه باختصار ابني وحيدي اتولد في بيئه معزوله شويه يعني لا بنشوف حد وحد بيجيلنا وبنخاف عليه جداااااااا لدرجه اننا كنا بنعامله زي الدميه المهم لحد سنتين ونص اكشتفنا ان ده غلط وساعتها فقت لنفسي لما لقيت شبح التوحد بيحوم حوالين ابني خرجت بيه للدنيا وعيشته ادميته وعملت معاه عمايل كتير وكنت بقعد على النت واشوف واقرى واطبق عليه لحد ما ربنا الحمد لله كرمني فيه وبقى تصرفاته كالاتي عارف كل حاجه حواليه من كتر ما بكرر له اسمائهم بينفذ الاوامر البسيطه زي هات كذا او اطفي النور او اعمل كذا كده يعني لما بنخرج بقوله احنا رايحين فين بيعرف السكه لوحده عارف كل افراد العائله اللي بنختلط بيهم ولما اقوله فين فلان يشاور عليه مع العلم انه متعلمش المشاوره الا بعد 3 سنين المهم كل اللي يشوفه يقولي هو طبيعي في تصرفاته بس هو الكلام اللي ناقص تعبت من الكلام الكلام الكلام بقى نفسي اصرخ واقول اعمله اييييييييييييييه تاني التخاطب باباه رافض يوديه فبقيت انا اروح لاخصائيه التخاطب تديني انا الجلسه وااجي اطبقها مع ابني وتقولي على نصايح اعملها معاه دلوقتي بقى ناس كتير تقولي مدام بيفهم وبيسمع كويس متخافيش وديته حضانه بقالو حوالي 3 شهور شايفينه طبيعي وفاهم وعارف كل حاجه بس مش بيتكلم خااااااااالص ولا بيوظف كلمه واللي بيطلع من بقه حروف وكلام مش مفهوم حتى بابا وماما بيقولها بس مش بيوظفها لو انا سمعته قال كلمه مثلا عفويه وكررتها معاه زي ما يكون بيعند معايا ومش بيقولها تاني ابدااااااااااا ولا بيحب حد يقوله قول كذا ساعات بحس انه بيحاول يتكلم بس الكلام صعب عليه وديته دكتور يكشف سمه ويشوف لسانه لقاه الحمد لله سليم معلش كلامي ملخبط بس احتررررررررت وتعبت اهلي يقولولي علشان لوحده واول حياته حبستوه كتير في البيت التخاطب بتقولي بيخزن ومتقلقيش بكره حيطلع كله مره واحده بس بجد نظرات الناس تعبتنىىىىىىى قوىىىىىىىىىى كلامهم وهما بيحسسوني ان ابني فيه حاجه واني صعبانه عليهم حاجه بتقطع في قلبي حتت حتى هو مش مديني بارقه امل انه يوظف كلمه واحده حتى ومحيرني بقى عارف كل حاجه حواليه ومتابع كل حاجه وفاهمنا واجتماعي لكن معاااااااااااند في الكلام مش عارفه ليه ومش عارفه اعمل ايه ياريت اللي ليها تجارب تفيدني وتطمني ومحدش يقولي دكاتره تاني خلاص انا استويت حتى التخاطب ظروفي الصحيه والنفسيه مبقيتش تسمح بالنزول انا فضفضت ياريت الاقي اللي يفيدني
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- د.هداية نفسيه وتربية طفل وعليكم السلام مشكل اللغة وفقا للظروف التي عاشها الطفل لا تعبر عن وجود مشكل كبير لدى الطفل لأن اللغة سلوك متعلم يعني متعلم من البيئة الاجتماعية فلو كانت البيئة غنية بالمثيرات اللغوية يكون تعلم اللغة سريعا والعكس لدى كوني صبورة وواصلي على نفس النحو من كلام وسرد قصص أو الغناء للطفل وطلب منه الغناء مرة ثانية فبهذه الطريقة ستزيزيدين من رغبته في التحدث والنطق السليم للحروف، واعتمدي أيضا على التعزيزيات الايجابية كأن تقولي لو قلت ماما وبابا أنا حديك كدى وركزي على دمجه مع زملائه فهذا جد مفيد ولا تيأسي لطول الفترة لأن ذلك يكون تدريجيا.
أنا بعدما تعبت من الذهاب إلى الأطباء وجلسات التخاطب وغيرها من العلاجات .. اخذت قرار ان ابدأ معه في المنزل بجلسات مثل التخاطب وظليت أجلس اتحدث مع ابني بالساعات ونفتح مواضيع واشاركه الحديث حتى في استشارته في ماذا نطهي اليوم ويرد علي والأن يبلغ من العمر 5 سنوات ويتحدث أفضل مني ومنك والله
يا صديقتي العزيزية أنا فتاة منفصلة ولدي طفلة وبعد الانفصال عن والدها ظل الناس من حولي طول الوقت دون مبالغة يكررون أنت تشعرين الطفلة بالخوف .. الطفلة محبوسة.. الطفلة محرج عليها كل شيئ لأ.. الطفلة الطفلة حتى انفجرت وقلت يا قوم لا أحد يتحدث كذا أمامي لأن هذه حياتي وتربية أبنتي وأنا ادرى شخص بها
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات تربية الطفل
احدث الوصفات
احدث اسئلة تربية الطفل
اسئلة من بلدك
احجز استشارة اونلاين