كيف أجعل ابنتي تعتمد على نفسها؟

كيف أجعل ابنتي تعتمد على نفسها؟ أنا بنتي عندها ١١ سنه، مش عارفة أعرف مشكلتها إيه، بس هي لغايه دلوقتي بتعتمد عليا في كل شئ، حتي نظافتها الشخصية اليومية يعني دخولها الحمام ومش بترضي تتكلم مع الكبار حتي المدرسين في المدرسة

هي بتتدرب لعبة جماعية و بتحبها وعايزة تكمل فيها، لكن نفس الكلام برده مش بتتكلم مع المدرب لكن ليها أصدقاء من سنها في المدرسة وهي مش بتعبر عن مشاعرها ومبتحكيش كتير، هي كمان شخصية حساسة وعاطفية ومن الشخصيات المضحية لدرجه إنها ممكن تتنازل عن حاجات بتحبها علشان متزعلش الآخرين

أو لو حد خد منها حاجة مبتطلبهاش منه، عنيدة جدًا، ومبتتنازلش بسهولة لو أجبرت علي حاجة، زي إنها ممكن تقف قدام باب فترة طويلة ومتتطلبش من حد يفتحلها، مبتعتزرش أبدًا، اتكلمت معاها عن أهمية التواصل مع اللي حواليها لكن هي مصممة إنها مش محتاجه الكلام وإنها ممكن تتواصل بوسائل أخري