ابني لا يسمع الكلام ويفضل والده

السلام عليكم لو سمحت أرجو الرد، ابني 8 سنوات من العمر، دايمًا ما بيسمعش الكلام، وشايفني دايمًا إن ماليش لازمة في حياته غير أكل وشرب، وإن باباه كل حاجة، أنا دايمًا بذاكر له وبشيل التليفون منه، وباباه عكسي تمامًا

امبارح حصل موقف، أنا جبت لكل واحد فيهم كولا، المهم الصغير فتحها وأخد حبة وسابها، الكبير خدها ولما جه ياكل فتح بتاعته، أخوه بيقوله هات حبة قاله لا، قلت له إنك خدت من أخوك حبة واديته، اتعصب وكسر طبق وكوباية وضرب أخوه، أنا كنت هاضربه بس سكت، صار جامد وشتمني، وباباه قاعد أنا مسكت نفسي إني أعاقبه أو أضربه

مش عارفة أعمل إيه، إيه الحل معاه، أنا مش عارفة أتصرف معاه