تصرفات هذه الطفلة سيئة ولا تدل على براءتها

السلام عليكم..ابنتي تعاني من بنتها عمرها سنتين هي بتصرفاتها اكبر من عمرها بكتير كتير مغلبه امها بشكل غير طبيعي لدرجة انها تبكي دايما منها وما بتعرف تتصرف معها في بعض الاحيان البنت عنيده جدا جدا تصرخ بداعي وبدون داعي تصرفاتها غير مرغوب فيها لدرجه انه لما بطلع عليها احس انها فقدت برائتها حتى بنظراتها اي شي بتلعب فيه او تمسكه تكسره وتخربه عنيفه جدا جدا مع الكبار والاخص الصغار الي بعمرها واصغر والاكبر لدرجه انها مؤذيه امها ماخلت اي طريقه عشان تغير ها لكنها مش قادره عليها بحسب خبرتي كنت انصح بنتي تترفق معها وتتعامل معها بهدوء وعاطفه لعل البنت تهدا وتتغير وفعلا صارت تعاملها بهدوء والبنت هديت شوي لكنها ضلت عنيفه مع العلم انه بنتي كمان تعنفها وتصرخ بوجها كتير وتضربها كمان للاسف ... الطفله كانت تخاف من امها بالبدايه ولكن بطلت تخاف منها حتى لو امها عاقبتها ترجع تعمل نفس الغلط الي تعاقبت عليه وتضل تجاكر امها رغم صغر سنها الطفله ذكيه جدا تحب تلعب كتير وعند طاقه مابتعرف تثبت بمكان تحب تطلع من البيت وهي عالاغلب مابتطلع الا لما تزورنا او تزور اهل ابوها ولان الكل مستنفر من تصرفات البنت صارت بنتي تضل بالبيت بطلت تطلع بسبب تصرفات بنتها لانها تخرب اي شي وتصرخ طول الوقت لما بتزورنا بتعمل ضجيج بالبيت ما نتهنى على اي شي الا ازا كانت نايمه امها تعاني منها كيف ممكن تتصرف معها وهل من الممكن يكون عندها توحد لاسمح الله افيدوني ولكم جزيل الشكر