احترت بمشكلة ابنتي

السلام عليكم .. بنتي عمرها حاليا سنتين ونص وانا احترت فيها هي اول طفله عندي متأخره بكل اشي مش بس النطق .. شكيت انو يكون معها اشي ف عملتلها فوحصات السمع طلع قوي عندها وصوره الرنين منيحه وطلع معها شحنات بسيطه بس هي بعمرها ما تشنجنت عندي .. حكالي دكتور عندها طيف توحد ووصفلي دوا اسمو كيبرا وعاساس اعرضها ع اخصائيه تعديل سلوك .. المهم انا ما اقتنعت روحت ع اكتر من دكتور .. كل حدا يحكيلي شكل اخصائيه النطق حكتلي عندها تأخر مش توحد يعني بتتصرف كعمر طفله تسع شهور ومعتمده كتير عامها .. اخصائيه سلوكيات تانيه حكتلي استنى عليها لعمر ٣ سنين .. ودكتور اخر تربيه خاصه ما نصحني كتير بالدوا بس حكالي احطها اقل شي ٦ اشهر بحضانه ومع اطفال بعدين ارجعلو .. انا عارف انو بنتي عندها مشكله بس احترت فيها .. هلا هي عندي كانت اضل تحضر عالتلفزيون كتير والكل حكالي سبب المشكله انها كانت اضل عالتلفزيون وما في حوليها صغار .. لغيت التلفزيون عنها وصرت اطلعها يومي وخليتها ما يقارب تلات شهور مع ولاد اخي واختي وجدتها تحسنت عندي بانها بطلت تخاف من الناس تحسن اكلها كتير صارت تجرب انواع جديده من الاكل ما كانت بالاول ترضى طبعا بتروح تركض ورا الصغار التانين بس ما بتلعب معهم باشيائهم او بتركب ليغو او الاشياء هاي بس بضل معهم بتاخد اي اشي وبتلعب فيه بتحب ترمي الطابه اكتر اشي وتركض مع حدا .. شغله تانيه لاحظتها ما كانت تقبل حدا يبوسها او يحضنها غيري هلا صارت جدتها ابوها وولاد اخي اللي كانت تلعب معهم حدا تاني مستحيل بتصير تعيط .. صارت تقلد اصوات يعني ازا بغنيلها اغنيه بتعيد وراي بس طبعا انا بفهم من نغمه صوتها لانو الحكي مش مفهوم .. بتروح بتعبي مي من الكولر لحالها وبتشرب وازا بتلاقي خبز لازم تاخد وتوكل .. هلا المشكله انها ما بتعبر او تأشر عالاشي اللي بدهياه لما حدا ينادي عليها ما بترد بس بتكون سامعه بس جديد صارت عالخفيف تطلع عالشخص لما يناديها بس ما بتروح لعندو احيانا بترد وبتروح وهاي النقطه بالذات اللي محيريتني يعني مش عارفه هي صدف بتيجي ولا هي فاهمه وبطنش .. لانو شو ما اطلب منها ما بتعمل لو اضل ساعه احكيلها هاتي او اعطيني شي بتمشي وبتروح ولا كأني طالب منها شي ... هلا بالنسبه للدكتور اللي وصفلي دوا كيبرا جبتو وانا شخصيا لما قرأت عنو ما ارتحت عطيت بنتي منو اسبوع بس يعني حبه وحده كانت تقسم الى ربع باليوم بعدها قطعتو خفت انو يعمللها مضاعفات وهي اصلا عندي ما بتتشنج .. بس ملاحظه بنتي عندها فرط حركه كتيير وما بتركز وتنتبه .. وهاد برضو صار من بعد ما صارت شوي تختلط بصغار وبطلت اضل عالتلفزيون ... سؤالي للاخصائين واي حدا صار مع حد من اطفالو اشي مشابه يفيدني بمعلومات .. لانو الصراحه ما اقتنعت من الدكاتره كل حدا حكالي اشي .. وانا بقناعتي الشخصيه انو في مشكله بس مش عارفه شو بالزبط وشكرا