طفلي مقتنع أن التدخين سيجعله كبير

السلام عليكم و رحمة الله بركاته، بداية اشكركم لردكم على جميع المشاكل التي يتم عرضها عليكم. انا ام لطفل عمره 6 سنوات ، بالامس وانا معاه بالسيارة بطريق العودة للبيت فتح معي موضوع انه بده يدخن سجائر وشيشة ، طبعا صدمني كلامه وناقشته بالموضوع انه ما بيصير ندخن لانه مهلك للصحة وبيخلي الشخص اكبر من سنه بكثير فبرد وبيقول عشان هيك بده يدخن عشان يكبر وحاولت معاه بكل الطرق انه التدخين غلط و ما في مجال يقتنع . استغربت طفل 6 سنين بيفكر بهيك طريقة حتى لما قلت له انه ابوه ما حيخليه يدخن بيرد انه حيروح لمكان بعيد ما يشوفه ويدخن. وكل ما اقول له شي عنده جواب اله كانه حد بيرمجه على الرد. انا حكيت مع ابوه وانصدم مثلي تمام وكش عارف كيف يتصرف ، خايفة افتح الموضوع مره ثانية مع ابني يقول شي ثاني.صراحة مش عارفة كيف اقنعه انه هذا شئ غلط وما بيصير؟ مع العلم انه اصحابه بالمدرسة يا دوب عددهم 3 اطفال بس اللى بيعرفهم واحد منهم ابن اختي. شو الحل او الطريقة المناسبة لاقنعه لنه خايفة عليه يضيع من ايديه. شكرا لردكم واسفة للاطالة.