تحديت المرض ووقفت على أقدامي من جديد بعد ما فقدت الأمل
![تحديت المرض ووقفت على أقدامي من جديد بعد ما فقدت الأمل](https://static.hellooha.com/revamp/assets/imgs/logo-desktop.png)
كنت بقول مستحيل تروح مني واللي حصل! يمكن كثير من الناس ممكن تشوف قصتي عادية، بس أنا اتعلمت منها، وغيرت فيا وأكدتلي أن الإنسان فعلاً كائن ضعيف وغير سوي، أنا شاب عندي 25 سنة، كنت طوال الوقت بتمرن وعضلات ومن الجامعة للجيم، ولو نزلت شغل فترة بحافظ جداً على أكلي وشربي لا يمكن أخرف منكرش أني كنت بتباهى بنفسي قصاد كل الناس، وأحب ألبس تيشرتات بنصف حتى في الشتاء عشان عضلاتي تبان، طول الوقت بنزل الصور على الانستجرام وفيسبوك وتويتر وأفرح قوي بكل كلام بيتقال، كل يوم اعتزازي بنفسي بيزيد وأحساسي أن جسمي مفيش منه بيكثر لحد ما فجأة حصل اللي عمري ماكنت أتخيله، الحقيقة أن حتى السبب الرئيسي لمرضي لا يمكن أحدده بشكل جذري، كنت في الجيم وفجأة شربت من إزازة شخص تاني، وفي لحظة كل الدنيا خدتني ووقعت، وقعت ومفقتش غير على سرير مبتحركش منه، في الأول مفيش دكتور كان عارف أنا عندي إيه، مرة جرثومة المعدة، مرة فيروس ضرب الكلى، بتسمع أمراض لا يمكن كنت في يوم تتخيل تسمع عنها، في النهاية أنا مبتحركش ومبتحسنش ومحاليل طول الوقت فضلت على الحال أيام يمكن بطلت أعدها لأني وقتها كنت خلاص فقدت الأمل وحاسس أنها النهاية، نهايتي اللي عمري ماتخيلتها، بعد تعب سنين ووصولي لجسمي ده، فجأة أقع الوقعة دي، كل ده يروح، أنا فعلا ضعيف، كنت بسأل ده عقاب من ربنا أني كنت بتباهى بجسمي قصاد الناس وأصلاً جسمي ده من صنع الخالق بدأت أضعف بشكل ملحوظ وأخس وكل العضلات راحت، والألم بيزيد ومفيش علاج بيأثر، قربت أكثر من ربنا، اتأكدت اني من غيره ولا حاجة، طلبت منه العفو، وحسيت أني لازم أعمل حساب في كل لحظة أنها ممكن تكون النهاية أهلي قرروا أني أسافر برة عشان أتعالج لكن كل الكاترة أجمعوا أن علاج هنا زي برة، يعني مفيش فرق، المسألة محتاجة وقت وألتزام وراحة، ويمكن أتحسن ويمكن لا، بالرغم من كل الكسرة اللي كنت فيها بس كان في صوت ولو ضعيف جواي بيقولي هتعدي، هترجع أحسن من الأول، أثبت مكانك ولو عشان أمك وأهلك وفعلياً قررت أني اتحدى المرض، زي ماهو بيتحداني، وأقف على رجلي وألتزم بالعلاج، وأتمرن ولو تمرينات بسيطة بس عشان الضعف العام اللي وصلتله يقل شوية، حالتي بتتحسن واحدة واحدة، وقفة أمي جنبي كانت بتقويني، وجودها هو اللي خلاني أكمل حقيقي، العلاج بدأ يجيب مفعول، الكلى بتتحسن، ورجعت أكل بعد ما كنت عايش على محاليل وناسى يعني أيه أكل أصلاً مر أكثر من شهر، وبقيت أقف على رجلي، وأنزل تاني الجيم بس بكل حذر، جسمي بيحاول يتحداني وأنا بحاول أصمد، لا يمكن هقف دلوقتي، هكمل وأنا قادر، كنت بقف يومين وممكن أقعد قصادهم مده، بس برجع، وعندي يقين أني هرجع أفضل من الأول، ربنا سامعني وحاسس بيا وعارف أني أتعلمت، اتحسنت كثير وبتحسن، وجسمي قرب يرجع للي كان عليه، أوعوا في يوم تتغروا بأي نعمة ربنا أدهالكم عشان ممكن في لحظة تروح وأنت مش عارف هي راحت ليه وأزاي، متخيل أنك هتعيش وتموت وهي معاك، أوعى تحس أنك أكبر وأعلى من قدرة ربنا على أنك تعيش في نعمه، اللي بتتمثل في كل حاجة حواليك حتى نفسك
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
-
ضلك ردد سبحان الله٣٣ والحمد لله٣٣ ولا اله الا الله ٣٤والله اكبر٣٣ بعد صلاة الفجر رح تجعلك قوتك ايضا استمر على قراءة سورة البقره يوميا وحاول ختم القران بنية الشفاء داوم على الاستغفار واجعل لنفسك ورد يومي ....قصتك مثل ما حصل معي كنت بمنزله معينه بين اقراني وكنت مثلك انزل اعمالي التي اقوم بها والعين حق لا تنسى الاذكار (ايات الحرب ) حصن بها نفسك تحتاج لفتره من اىزمن صدقني سترى امورك تفرج تدريجيا وستعود حياتك لسابق عهدها واشكر الله على ما فات من النعم ...العين مثل الوزن على جسد الانسان كلما حصنت نفسك تنحل العقد والمشاكل وتبدا امورك تعود الى سابق عهدها وافضل باذن الله لا تياس من روح الله..المرء يبتلى ليهذب ويعود الى الله ..
الانسان ضعيف ولا يشعر بضعفه الا من بعد أن يمر بتجربة قاسية يوقن أن الله هو من أنعم عليه و القوة لم تكن كامنة في داخله لو أن الانتسان ليس ضعيف لما أتى كائن لا يرى بالعين المجردة يُقعج الناس غعن أعامالها و يعطل حياة العالم كله و يغير جذور الكثير من الأمور .. الانسان ضعيف يا عزيزيت و لولا رحمة الله لما قائم قائم عل الأرض فالحمدلله عل كل حال
ما نفع الجسد و العضلات و المظهر و القلب و العقل خاويان من الفاهمي و المبادئ و الدين و العلاقة القوية مع الله ,, كان الثمن صعب جداً و لكن أنت ما جنيته أكثر بكثير مما فقدته و هذه هي وظيفة الابتنلاء أن الله لا يأخذ منك ما تحب الا ليعوضك أضعاف ان رأى ن=من الصبر و الرضا بقاء الله و قدره
بالفعل ان نعم اللع علينا لا تعد و لا تحصى ولا طريقة أفضل من الحفاظ عليها الا بالحمد و الشكر و استغلالها بما ينفع الناس ,, لكن الله دائما لا يضعنا في الامتحانات و الابتنلاءاتا الا لكي نتعلم منها ما يجب أن نوقنه ما يجب أن نفهمه أن الأرض و الحياة ليست للخلود انها أرض تُمتحن بها كي تلقى جزائك في الاخرة
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قصص النجاح
احدث الوصفات
احدث اسئلة قصص النجاح
اسئلة من بلدك
احجز استشارة اونلاين