بفضل الله نجوت من شباب متهورين وأنا طفلة لا أفهم شيئا

السلام عليكم ورحمة الله وبركاته انا ماجيت هالبرنامج عشان أسأل او استفسر بس جيت للنصيحة وأتمنى من صدق تفهموني كان عمري ١٣ وادرس بأول متوسط تفكيري كان تفكير وحدة جاهلة وانا اعترف بهذا الشئ كانوا بنات فصلي أغلبيتهم يتكلمون عن العيال وعن اللي تطلع مع العيال وأغلبهم كانوا يكلمون و يطلعون وانا ما انكر كنت اسمع للشيطان و الهوى تمنيت أصير زيهم ولأسف كانت غلطة حياتي بذاك الوقت ابوي يمنع الشبكة و التواصل مع العالم امي كان جوالها ابو كشاف وانا ما كان عندي جوال بس ابوي عندك ٣ جولات ويشوف عالبيانات تمنيت انا يكون عندي شبكة وبرامج مثل السناب واليوتيوب ومن هاذي المواقع ومن كثرة البنات اللي يكلمون عيال انا كان ودي بس كان فيه شئ يمنعني تعرفت على بنت في فصلي وقالت لي خلينا نهرب انا بلأول امتنعت وقلت يمكن ما نرجع يمكن الناس يخطفونا وهي حاولت تزين الفكرة براسي وبعد محاولات وافقت وقالت نروح عند مول قريب من بيتي وبيتها واتفقنا على إنا نهرب يوم الخميس الساعة ٣ الفجر المهم بعد ما جاء الخميس انا قمت من النوم وكان ابوي بالحمام والبيت كله نايم انتظرت لين ابوي دخل الغرفة وبعدها انا لبست ليقنز ضيق و بلوزة ولبست العباية بس ما سكرتها وحطيت الطرحة على راسي وما تحجبت مثل الناس يعني مشي حالك كانت الساعة ٣ونص وللمعلومية كان يأذن ٤ ونص بالرياض قلت انا ماراح اطول وأبوي من الناس اللي يصلي في المجسد وطلعت من البيت ورحت امشي بالشارع وبعد تقريباً ٥٠ متر كان فيه لفة سيارات انا وقفت لاني كنت اشوف سيارة جاية قلت يمكن انها بتلف لكن الصدمة ان السارة وقفت قبالي وكانت بعيدة شوي عني وكانت مظللة فما كنت ادري من اللي جوتها انفتح شباك وكان واحد شباب قاللي يا اختي تبين مساعدة قلت لا قال اعتبريني اخوك الكبير قلت له لا مافي شئ قال وين بتروحين قلت له المول الفلاني قال لو تبين أوديك اركبي لانه ما يمدحك تروحين له مشي بعيد والوقت متأخر وانا وثقت فيه وقربت من الباب وركبت ورى على ظني انه ما فيه الا هو بس لكن يوم فتحت الباب طلع فيه اثنين شباب ورى وثنين قدام يعني ٤ شباب وعلى هذا ما ادري انا وين كان عقلي بس ركبت وبعد ما جلست مشوا بالسيارة واللي كان جنبي عطاني مويا وانا شربتها والثاني عطاني دخان لو اني ابي ادخن قلت له انا ما ادخن وشوي عطوني الكوفي حقهم قلت بنفسي وع يبونك اشرب من زايدهم قلت مابي واللي قدامي قال عطيني سنابك قلت له اهلي مانعين وعطاني جواله قال فرفري بالسناب شوي قلت مابي وما انكر يا ناس كنت خايفة حيل وارجف بقوة واللي كان يسوق شغل أغاني ورفع عالصوت وكلهم كانوا كل شوي يناظرون فيني ويقولون ماشاءالله وبسم الله عليك انا كنت ادري انهم كذابين بس يبوني اثق فيهم كان اللي جنبي يهمس للي يسوق وانا ما كنت ادري وش يقول بس بعد فترة واحد منهم قاللي انه كان يقول خلينا نوديها شقتنا وبس اللي يسوق كان رافض المهم نرجع للسيارة قالوا لي المول اللي تبينه مسكر خلينا نمشيك شوي وانا قلت طيب بعدها وراحوا مطعم وجابوا برقر وعصير لي وانا خذيتهـ واللي قدامي عطاني رقمه بورقة وكتب فيها اعتبريني اخوك الكبير وانا خذيتها أذن الفجر وانا لا زلت بالسيارة وكنت اخاف ابوي يروح يصلي ويشوفني مب بالبيت أول ما أذن واحد منهم سكر الأغاني وقالهم حرام قاعد يأذن وهذا اللي زاد ثقتي فيهم بعد ثواني اللي يسوق فتح الأغاني وقال بصوت عالي ازنوا ازنوا يا عيال وقتها انا كنت صغيرة وما اعرف وش معنى الزنا بس الحمدالله الحمدالله يا ناس رجعوني البيت الساعة ٥ الا ربع يعني اشكر الله اني رجعت ما خذوني واغتصبوني ما اكذب عليكم قبل لا اطلع من البيت كنت أقول كل الأدعية من الخوف وكل الأذكار ويمكن الله حفظني منهم ومن شرهم قعدت أتواصل معهم لمدة شهر بس بدون ما اطلع مرة العصر امي كانت نايمة خذيت جوالها وكلمتهم قعدت ٧ دقايق وبنص المكالمة اني كان تناديني قلت لهم خلاص بسكر امي قامت بعدها سكرت وحذفت المكالمة اللي صادرة لاني أنا اللي دقيت بس لانه ابو كشاف مجلد للصدارة ومجلد للواردة وقتها انا نسيت انه دق علي لانه زين واني سوى وعشان ما اخلص رصيد امي هو اللي دق ونسيت لأحذفها ورحت عطيت امي الجوال على اني كنت العب وشوي تناديني وتقول يا بنت وش هاذا الرقم قلت لها أي رقم قالت مكتوب انك دقيتي عليه سبع دقايق قلت لها يمكن دق بالغلط واخوي الصغير رد عليهم قالت لا مستحيل ودقت عليهم ورد ألبي كنت اسولف معه قالت له امي انت اللي دقيت قال ايه انا مستشفى العيون تبين موعد يعني انه كذب وامي ما مشت عليها هاذي الكذبة وقعدت تزن وتحن إذا انا اعرفهم او لا ونشبت فيني إلين أعترفت لها ومنعتني أكلمهم وبعد اسبوع دق على امي رقم غريب ردت عليه وطلعت حرمة تسأل عني وعطتني امي أكلمها تدرون من طلع طلعت المشرفة على السجون وقالت لي أنتي فلانه اللي طلعت مع اربع شباب انا من الخوف قلت لها ايه قالت واحد من ذولا الشباب عطانا رقمك الله يجزاه خير وقال ان صحابه متفقين يخطفوني من المدرسة بالاختبارات النهاية ويسون اللي يسونه وقتها هم يعرفون مدرستي ومكانها وقالت لي كان يمدينا نسجنك بس بعد ما عرفنا عن اهلك وان ابوك مطوع وما يأذي الناس ومحترم سامحناك وقلنا نحل المشكلة بالسرية وقامت تعطيني قصص بنات عندهم بالسجون وانا قصتهم قريبة من قصتي وبعد ما سكرت امي جلست تبكي وتقول الله ستر عليك لازم تحمدين ربك وعلمتني امي الزنا وعذابه وكل شئ يخص البنت ما توقع ان الشئ بهذه الخطورة بالنسبة للبنت كذبت علي وما راحت المول قالت لي كنت بلعب عليك وما توقعتك لذي الدرجة ما تفكرين انا قطعت علاقتي تماماً مع البنت ونقلت من المدرسة وتبت الحمدالله من هذا الطريق اللي كان بيوديني بخبر كان الحمدالله ان الله ستر علي وحفظني منهم انا الحين عمري ٢١ سنة وذيك القصة عبرة لي و لغيري أتمنى يا ناس أبداً ما تثقون بعيال الحرام كلهم كذابين وان شاء الله تعلمتوا من قصتي وأي وحدة كانت بالطريق هذا او لازالت فيه أتمنى وبعدين عنه بسرعة واللحين لان أي شئ بالغلط نهايته غلط وروحي عنها قبل ما تندمين انا اللحين أتمنى بس لو ارجع بالزمن وامسح كل اللي صار بس ما عاد يفيد الندم صدقوني ودي اقتل أي شباب مثل اللي ركبت معهم أتمنى يا شباب تبعدون عن هالطريق لانك لو لعبت بالبنت ورحت ما راح تنجوا من ربك ومن دعاء البنت والسلام عليكم ورحمة الله وبركاته وشكراً،،،،،