زوجي يرفض أن أبقى في بيت والدتي أثناء سفره

السلام عليكم، زوجي يرفض أن أبقى في بيتي أثناء سفره، انا متزوجة ومعي طفل صغير وزوجي بيسافر وينزل اجازة شهر او اكتر علي حسب ولما بيسافر بقفل شقتي واقعد مع والدتي عشان هي لوحدها بس اذهب لحمايا وحماتي يوم او يومين كل اسبوع وطبعا ببات ف شقتي وحتي لو مش هبات بزورهم كل اسبوع لان البيوت قريبة من بعضها وانا في بيت عائلة يعني محتاجة اخد رأي حضراتكم في شيء

زوجي عايزني اروح شقتي استقر واروح لوالدتي خميس وارجع السبت وانا نفسياً مش عايزة كدا يعني انا ببات لوحدي وهي ايضاً وببقي قلقانه عليها ورافضة تيجي معايا شقتي عايزة افضل معاها زي ما انا واروح شقتي يومين بما انه مسافر ينفع أعارضه وأرفض الوضع دا ولا كدا بخرب علي نفسي

انا بس مش عايزة اسيبها لوحدها وانا قادرة ابقي معاها وايضاً بيتي ليس بعيد عنها وهي ست كبيرة إلي ما ربنا يصلح حال اخواتي وتسافر اليهم *زوجي عايز ابنه يتربي وسط جده وجدته وف بيته يعني وانا مش ممانعه ..ولكنه يخشي أن يعتمدوا علي وجودي معاه

مر سنتين علي زواجي هي بس مش هاينه عليا وحاسه اني ندمت اني تزوجت وتركتها م الاساس ..ويقول لي أنا أديت ما عليا واذا لم تعودي في العيد القادم ستكون الزيارة يوم الجمعة فقط مثل اختك (واختي هذه زوجها مقيم معاها ولديها 4 من الاولاد والبنات وتسكن بعيداً عن امي بعض الشيء )انا اقول أن ظروفنا مختلفة جداً أعلم ان من حقه مايقول ولكن ماذا أفعل هل اعارض