كيف أتعامل مع ابن زوجي الخبيث؟

السلام عليكم ورحمه الله وبركاته، كيف أتعامل مع ابن زوجي الخبيث؟ دلوقتى أنا زوجه أب لزوج عنده ولد وبنت منهم ولد سنه 18 سنة وبنت أصغر منه الولد الكبير كنت أعامله معاملة الأم لابنها وبشهادة الكل إنى أفضل كثيرًا فى معاملته عن أمه والله العظيم ما قصرت معاه يوم حتى كنت اذاكر له واتحايل على المدرسين علشان يقبلوا به لأن مستواه كان سيء

وبفضل الله نجح وجاب مجموع كليه نوعا ما كويسه المهم من وقت ما دخل الكليه وأبوه يعامله معامله أنه راجل البيت وبالتالى بدأ الولد فى مرحله المراهقه وبدأ يتمرد على أبوه وعليا وطبعا لانى الطرف الأضعف فى البيت فا بدأ يسبنى بأبشع الألفاظ

وانا معرفش ليه انا معملتلوش حاجه فجاه بدون اى داعى يسبنى وانا مش برد بيلقح عليا فى الرائحه والجايه ومش برد عليه وآخر ما زهقت شتمته لانى صبرت اكتر من شهرين على سبه ليا ليل ونهار الان حكيت لاهلى واهلى عملوا مشكله كبيره ووقفت على الطلاق لانه تحرش بيا تحرش لفظى وقتها حلف أنه مكنتش انا المقصوده ده كان فيديو فى موبايله وهو بيتكلم عنه أبوه سلبى جدا ومابيصدقش اى حاجه على أولاده نهائى

مع العلم أن أمه كانت عندى وسمعت حفيدها بيشتمنى وشهدت أنه بيلقح عليا بس هو برضه ما اخدش موقف نهائى المهم بعد ما شتمته واهلى جم وحصلت المشاكل دى رجع تانى يشتمنى اخواتى حاولوا معاه بكل الطرق يحل المشكله وهو مش بيرد ولا بيقول ايه السبب انا مش عارفه اعمل ايه انا للاسف راجعت طبيب نفسى وبدأت اخد عقاقير طبية مضاده للاكتئاب بسببه هو وسلبيه ابوة قولى اعمل ايه