زوجي يهملني ونظراته لي تقتلني، كيف أجعله يتغير؟

انا عمري ٢٥ سنه متزوجه لي سنه بالضبط ، بس نهائيا ما مبسوطه في حياتي ، السنه دي كلها كانت مشاكل في اتفه الامور ، النظافه حاجات البيت ، حتى التعامل و شويه شويه بدت المشاكل تزيد و تزيد بقا الموضوع انو مافي احترام لبعض عادي جدا ممكن كل واحد يقول للتاني الكلام البي يجرحه و انا صراحع تعبت من المشاكل . زوجي كل ما ليه ماشي اسوا كان ابدا ما بيسالني عن الطبخ والحين صار يسالني و كان ابدا ما يتحمل دموعي ولا زعلي الحين بيراضيني بس عشان ابطل بكاء و يروح يخليني . صار عدم الكلام بيننا خلال اليوم كتير جدا يعنب هو بيرجع من الشغل و ينام و يصحا يجلس فس الصاله او الصالو بس المهم المكان الانا ما اكون فيه و يخضر تلفزيون لينام و هكذا ، كم مره طرحت عليه اني انا بجلس لحالي معظم الوقت ليه ما بتجلس معاي بيقول بيتفرج على برنامجه ، حسسني ان برنامجه دا اهم مني و من زعلي و الان عدت ٤ ايام و احنا ما بنتكلم مع بعض اصلا و الى الان ما فهمت ايش صار ما صار مشكله ولا شي فكرت اطنشه زي ما بيطنشتي ما فرق معاه ، اتكلمت و جلست معاه ما نفع فالاخير صرنا زي الغرباء احس بوجهه و ردوده لي انو مو طايقني و انا يادوب في السنه الاولى للزواج ايش اسوي هل اطلب الطلاق؟؟؟ ولا احاول احل المةضوع و اذا احاول احل ايش اسوي انا تعبت من المبادره و ما ابغى اسوي اي شي يظهرني ضعيفه او لاحقاه ولا جاريه وراه ولا كده ابغى و نفسي في حل اسويه يخليه هو من نفسه يتغير معاي