أشجع زوجي لأن يكون الأفضل لكنه لا يهتم لمستقبله

انا متزوجه من طبيب عمره الان ٣٠ سنه ، و تعبت من كتر ما اجري وراه انه يطور نفسه و يجري ورا تخصصه . و انا صرت اخاف من المستقبل لاني ما حاسه فيه ابدا شعور انه مستقبلنا هيتحسن او هو هيروح لقدام ، يجي من الشغل ينام ولا يشوف التلفزيون و ينام و يروح الشغل اليوم البعده ما يذاكر ما يفتش ايش ممكن يختبر او ممكن يسافر او وين يتخصص ، اخر مره سجل لاختبار و هدت شهور و هو ما يذاكر ولمن جا لغاه سالته ليش يقوللي ما جاهز ، اختبر الielts و ما جاب درجه كويسه و ما هو ساعي ابدا ان يروح يختبر تاني ، و كل ما اتكلم معاه في الموضوع دا ينفعل و يقول انا اعرف ايش بسوي !!! دايما اهله ماخرينه ببرامجهم الفارغه و مالها اي داعي يروح اجازته هناك عندهم بس عشان بجلسون يتونسون و يتكلمو عن الناس و بس و يرجع للشغل و ينام ، انا صرت خايفه هل بيصير الموضوع ده لعمره ٤٠؟؟؟ تعبت من طريقته و الحين يبغى يروح بلد اهله بس عشان اخوه يبغى يروح يخطب ولا حتى مناسبه ولا شي بس يروحو عند اهل البنت ، يبغى يروح ١٠ ايام؟؟؟ ما ادري ليش و عشان ايش و يتركني بالبيت لحالي و هو طبعا بس مع هذه البرامج من دون اي تطور بشغله ولا تفكيره ، حاولت كل الطرق لتشجيعه ايش اسوي