هل أجبر نفسي على العيش مع زوجي لكي يتحمل مسؤوليتنا أم أنفصل عنه؟

السلام عليكم صباحكمم خير في البدايه حبيت اتكلم عن نفسي متزوجه من ٣ سنوات وعندي طفل ولله الحمد معاناءتي عدم الاستقرار مع زوجي من ناحيه السكن بحكم عمله مرابط ماقدر اكون معه فكرت اروح واسكن قريبه منه بس كانت نتيجه صعبه طول وقته في العمل واحيانا ليالي يكون سهران في عمله مشكلتي اني عند اهلي مرتاحه بس مافي اي خصوصيه من ناحيه تربية ولدي وعلاقتي مع زوجي يجي اسبوع ويروح اسبوعين احس بفراغ بتعب نفسي وضغط ماعرفت حتى اربي ولدي عمره سنتين وقت الدلال اذا ماعطيته الي يبيه قام يصارخ واضطر اعطيه عشان لايزعج اهل البيت واذا جاء زوجي يكون مرهق ومحتاج راحه طول الوقت نايم او يكون لوحده يطلع حاولت اكون قريبه منه حاولت افهمه اني احتاج تغير جو واني اكون مرهقه مثله عشان يحس فيني واحتاجه بس للاسف يفكر بنفسه مالقيت الي يحس فيني ويفهمني يكون حنون وزين معي اذا ماطلبت شي منه واذا قلت له شي اشوف ع وجهه الزعل هالشي بدا يبعدنا عن بعض كثير وانا تعبانه نفسيا من كل شي احتاج استقرار نفسي وراحه بال ابي مشورتكم وش الحل هل اجبر نفسي واروح اجلس قريبه منه حتى لو يمرني ساعه عشان يتحمل مسؤوليتنا والا ارضى بالواقع الي انا فيه وشكرا لكم